Ինչպես շատերդ արդեն տեղյակ եք, սփյուռքում և Հայաստանում կազմակերպվում է ստորագրահավաք Անահիտ աստվածուհու բրոնզե արձանը Բրիտանական թանգարանից Հայաստան տեղափոխելու համար:

Սփյուռքում այդ աշխատանքները համակարգում է Կալիֆոռնիայի համալսարանի ուսանող Գևորգ Մարտիրոսյանը, ում նամակին էլ արձագանքելով` մենք ստեղծեցինք այս էջը:

«Շատերը թերահավատորեն են վերաբերվում այս նախաձեռնությանը` կարծելով, որ Բրիտանական թանգարանը երբեք չի համոզվի իր հավաքածուից որևէ բան կորցնել: Բայց Եգիպտոսին հաջողվել է գրեթե 5000 ցուցանմուշներ վերադարձնել, որոնցից 400-ը գտնվում էին Բրիտանական թանգարանում», – լրատվամիջոցներից մեկի հետ հարցազրույցում նշել է Գևորգ Մարտիրոսյանը:

Դուք նույնպես կարող եք Ձեր ներդրումը ունենալ այս գործում` մասնակցելով ինտերնետային ստորագրահավաքին: Անցեք այս հղումով` http://chn.ge/waBIaQ: Այնուհետև SIGN THIS PETITION-ի տակ լրացրեք համապատասխան տվյալները և սեղմեք SIGN:

Կարող եք նաև հավանել ֆեյսբուքյան էջը`www.facebook.com/anahitgoddess, և տարածել այն:

Սա Ձեզնից  մի քանի րոպե կխլի, բայց թույլ կտա ևս մեկ անգամ ապացուցել մեր միասնականությունը և հզորությունը: