Մոտիվացիոն

Անհաջողության պատճառները. մաս 1

August 25 , 2019 | Marina | 0Մեկնաբանություն

Հազարավոր մարդիկ ի սրտե ձգտում են հաջողության, բայց նրանց բոլոր ջանքերն ինչ-ինչ պատճառներով ի դերև են ելնում: Ըստ Նապոլեոն Հիլլի` գոյություն ունեն անհաջողության 30 հիմնական պատճառներ: Եվ այսպես, ի՞նչն է խանգարում Ձեզ հաջողության ճանապարհին:

1. Վատ ժառանգականություն: Կա մարդկանց մի խումբ, որ ի ծնե դատապարտված է անհաջողության. պատճառը մտավոր արատն է: Երբեմն այսպիսի մարդիկ կարող են համագործակցել ավելի հաջողակների հետ : Այստեղ օգնության է հասնում «ուղեղային կենտրոնի» գաղափարը, որին հետագայում կանդրադառնանք: Վատ ժառանգականությունը միակ պատճառն է, որը դժվար է հաղթահարել:

2. Հստակ նպատակի բացակայություն: Ոչ ոք՝ նույնիսկ ամենատաղանդավոր մարդը, չի կարող հաջողության հասնել, եթե կյանքում կոնկրետ նպատակ չունի: Հիլլի կողմից հետազոտված մարդկանց ամեն 100-ից 98-ը չուներ այդպիսի նպատակ: Դա երևի անհաջողության հիմնական պատճառն է:

3. Հավակնությունների (ամբիցիաների) պակաս: Հաջողության հասնելու հույս չի կարող ունենալ այն մարդը, ով չի ձգտում կյանքում առաջ գնալ և վճարել դրա համար համապատասխան գինը :

4. Կրթության պակաս: Սա խոչընդոտ է, որ կարելի է հաղթահարել համեմատական հեշտությամբ: Փորձը ցույց է տվել, որ ամենակրթված մարդիկ հաճախ նրանք են, ովքեր զբաղվել են ինքնակրությամբ: Կրթված մարդը նա է, ով սովորել է ստանալ իր ցանկացածը առանց ուրիշների իրավունքները ոտնահարելու: Կրթության էությունը ոչ թե գիտելիք ստանալու մեջ է, այլ դրա արդյունավետ կիրառման: Մարդիկ չեն վճարվում իրենց իմացածի համար, այլ վճարվում են նրա համար, թե ինչ կարող են անել իրենց իմացածով:

5. Կարգապահության բացակայություն: Կարգապահությունը գալիս է ինքնավերահսկողությունից: Սա նշանակում է, որ պետք է վերահսկեք ձեր բոլոր բացասական որակները: Նախքան կկարողանաք կառավարել իրավիճակը, դու պետք է առաջինը կառավարեք ինքներդ ձեզ: Ինքնատիրապետումը դժվարագույն աշխատանքն է, որին երբևէ կհանդիպեք : Եթե դուք չտիրեք ձեր եսին, այն կտիրի ձեզ: Հայելու առջև միաժամանակ կամ առանձին դուք կտեսնեք և' ձեր ամենաուժեղ թշնամուն, և' կամ ձեր լավագույն ընկերոջը:

6. Վատ առողջություն: Առանց ամուր առողջության ոչ մի հաջողություն ձեզ չի բավականություն չի պատճառի: Վատ առողջության հիմնական պատճառները կապված են ինքնատիրապետման և ինքնավերահսկամ հետ: Ահա օրգանիզմի տկարության հիմնական պատճառները՝
• շատակերություն ու վնասակար սննդի օգտագործում,
• հոռետեսություն՝ վատի մասին մտածելու սովորություն,
• ֆիզիկական ակտիվության պակաս,
• չափից դուրս ակտիվ սեռական կյանքը կամ դրա բացակայությունը
• մաքուր օդի պակաս,

7. Ծանր մանկություն: Եթե շիվը ծուռ տնկեք, դրանից ծուռ ծառ կաճի. հաճախ հանցագործ հակումներ ունեցող մարդիկ այդ հակումների պատճառ են բերում իրենց վատ շրջապատը և վատ ծանոթությունները մանկության ընթացքում: Ընտրեք այնպիսի շրջապատ, որ կնպաստի ձեր առաջխաղացմանը:

SUNNY SCHOOL ԱՆԳԼԵՐԵՆԻ ԵՎ ՎԵԲ ԾՐԱԳՐԱՎՈՐՄԱՆ ԽՈՐԱՑՎԱԾ ԴԱՍԸՆԹԱՑՆԵՐ

NUMERUS SYSTEM Բարձրորակ, բազմաֆունկցիոնալ կայքերի պատրաստում և որակյալ սպասարկում:

0Մեկնաբանություն

Leave a comment