Բիլ Գեյթս. հաջողության բանաձև

Ուիլյամ Հենրի Գեյթսը ծնվել է Սիեթլում 1955 թվականին։ Նա աշխարհին հայտնի է որպես ամենահարուստ մարդկանցից մեկը, որն իր կարողությունը սեփական ուղեղով է վաստակել։ Այնինչ հաջողությունը նրան հեշտ չի տրվել. դպրոցում լուրջ խնդիրներ ուներ ուղղագրության և մի քանի այլ առարկաների հետ կապված, որոնք նա շատ հասարակ էր համարում։ Դպրոցում սովորելու տարիներին նրան հոգեբանի մոտ են ուղարկում վատ վարքի պատճառով։ Իր հուշերում նա սա բացատրել է համակարգչամոլությամբ. ամբողջ ազատ ժամանակը ծրագրավորման վրա էր վատնում՝ ամեն շաբաթ համակարգչային դասարանում ծախսելով 20-30 ժամ։ Մի անգամ նրա մուտքը համակարգիչ գաղտնաբառով սահմանափակելու փորձ արեցին, որը նա կարողացավ կոտրել։ Արդյունքում որպես պատիժ ողջ ամառն անցկացրեց առանց համակարգչի։ Անհաջողությունները նրան հետապնդում էին նաև Հարվարդում. նա երկրորդ կուրսից դուրս մնաց համալսարանից։ Չկա չարիք՝ առանց բարիքի. նա սկսեց ավելի շատ ժամանակ հատկացնել ծրագրավորմանը. երկու տարուց հիմնվեց Microsoft ընկերությունը։ Երկու տասնամյակ անց Բիլ Գեյթսը վաստակեց ավելի քան 50 մլդ դոլար՝ 78 հազարից ավելի մարդու աշխարհի 105 երկրում աշխատանքի ընդունելով։ Ահա հաջողության այն կանոնները, որոնք իր համար մշակել է Բիլ Գեյթսը.
1. Ուսումնասիրե՛ք մրցակիցներին։ Գեյթսը առավոտյան յուրահատուկ արարողություն էր դարձրել իր մրցակիցների կայքեր այցելելը։
2. Եղե՛ք վճռական։ Մենեջերի գլխավոր հատկանիշը նույնիսկ ամենավատ լուրերն արիաբար ընդունելն է։ Սառնարյո՛ւն եղեք, այդ դեպքում ցանկացած խնդիր ավելի արագ կլուծվի։ Սկզբում փորձե՛ք վատ լուրերն իմանալ, հետո միայն լավերը։
3. Կողմնորոշվե՛ք համացանցում։ Ապագան նրանն է։ Մոտակա տարիներին կմնան միայն երկու տեսակի ընկերություններ՝ նրանք, որոնք համացանցում են և նրանք, որոնք դադարել են բիզնեսով զբաղվել։
4. Հաջողությանն ուշադրություն մի՛ դարձրեք։ Այն խաբուսիկ է և ժամանակավոր։ Մի նպատակի հասնելով՝ տեղում մի՛ նստեք, անմիջապես սկսե՛ք հաջորդ նպատակին հասնելու աշխատանքները։ Մրցակիցները ձեռքերը ծալած նստած չեն։
5. Զարգացման պայմաննե՛ր ստեղծեք։ Փորձառու ղեկավարի նպատակը աշխատակիցների համար աշխատանքի համար բարենպաստ մթնոլորտ ստեղծելն է։ Նրանք փոխադարձ վերաբերմունքով են պատասխանում:
6. Սկսե՛ք այսօր։ Եթե ձեզ ինչ-որ բան ձեռք չի տալիս աշխատանքում, ձեր սեփական գո՛րծն սկսեք։ Բիլ Գեյսթսն իր գործը ավտոտնակում է սկսել։ Ժամանա՛կ ծախսեք միայն նրա վրա, ինչն իսկապես հետաքրքրում է ձեզ։
7. Մտածե՛ք։ Տարվա մեջ մի քանի անգամ կտրվե՛ք ձեզ համար սովորական միջավայրից՝ կուտակված խնդիրների որոշման ձևերի մասին մտորելու համար։
8. Վախեցե՛ք պարտվելուց։ Ձեր արարքների ճշմարտացիության վրա կասկածե՛ք մինչ դրանք կատարելը, իսկ հետո եզրակացությո՛ւն արեք։
9. Ապավինե՛ք նոր տեխնոլոգիաներին։ Էլեկտրոնային տեղեկատվությունը հրաշքներ գործելու ունակություն ունի։
10. Կտրվե՛ք ամբոխից։ Այն ոչ միշտ է ճիշտ ուղղությամբ գնում։ Միշտ ընտրեք զարգացման ձե՛ր ուղին։


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Ուժեղ անհատականությունների 25 հատկանիշներ

1. Նրանք փնտրում և գտնում են հնարավորություններ այնտեղ, որտեղ ուրիշները զենքերը վայր են դնում։
2. Նրանք դաս են քաղում նրանից, ինչն ուրիշներն անհաջողություն են համարում։
3. Նրանք մտածված որոշումներ են կայացնում։
4. Նրանք անընդհատ և գիտակցաբար ճանապարհ են հարթում իրենց հաջողության համար, մինչ ուրիշները սպասում են, թե երբ է հաջողությունն իրենց դուռը թակելու։
5. Նրանք վախենում են, ինչպես մնացած բոլորը, բայց թույլ չեն տալիս, որ վախերը ղեկավարեն իրենց։ Վախն ընդամենը զգուշություն է։
6. Նրանք ճիշտ հարցադրումներ են անում, այնպիսի հարցադրումներ, որոնք պատասխան են պահանջում։
7. Նրանք չեն տրտնջում ու բողոքում. դա ուժերի անտեղի վատնում է։
8. Նրանք մեղքն ուրիշի վրա չեն գցում։ Նրանք իրենց բոլոր արարքների ու դրանց հետևանքների համար ամբողջական պատասխանատվություն են վերցնում իրենց վրա։
9. Նրանք ոչ միշտ են ֆանտաստիկ տաղանդ ունենում, բայց միշտ իրենց ներուժը առավելագույնս իրացնելու միջոցներ են գտնում։ Նրանք իրենցից ավելին են պահանջում։
10. Նրանք զբաղված են ու ճշտապահ։ Ամենուր, որտեղ բոլորն անգործության են մատնված, բայց ցույց են տալիս, իբրև զբաղված են, նրանք աշխատում են։
11. Նրանք իրենց շուրջ են հավաքում իրենց հետ համակարծիք մարդկանց. ոչինչ այնքան չի օգնում հաջողության հասնելուն, որքան կուռ թիմը։
12. Նրանք պատվասեր են. իրենք իրենց հարց են տալիս՝ ինչո՞ւ ոչ ես։ Սա նրանց օգնում է ղեկավարել իրենց կյանքը, ոչ թե լողալ հոսանքին համընթաց։
13. Նրանք գիտեն՝ ինչպիսին են ուզում տեսնել իրենց կյանքը, և այն դարձնում են այդպիսին, մինչ ուրիշներն իրենց կյանքին կողքից են նայում։
14. Նրանք չեն նմանվում ոչ ոքի, այլ նոր ուղիներ են փնտրում։
15. Նրանք չեն հետաձգում, հետևաբար կյանքը չեն անցկացնում ինչ-որ բանի սպասումով։
16. Նրանք ամբողջ կյանքում սովորում են։ Կյանքի ցանկացած փորձություն դաս է։
17
. Նրանք լավատես են. ամեն ինչում օգուտ են տեսնում։
18. Նրանք անում են այն, ինչ պետք է անեն՝ անկախ նրանից՝ ինչպես են իրենց զգում այդ պահին։
19. Նրանք համարձակ են, ռիսկի են գնում թե՛ ֆինանսական, թե՛ զգայական, թե՛ մասնագիտական և թե՛ հոգեբանական տեսանկյուններից։
20. Նրանք չեն փախչում խնդիրներից, այլ դեմքով շրջվում են դեպի դրանք։
21. Նրանք երազանքներ չեն պահում և չեն սպասում երջանիկ հնարավորությունների։ Նրանք կառուցում են իրենց կյանքը։
22. Նրանք ձգտում են կանխատեսել դեպքերը։ Նրանք քայլեր են ձեռնարկում, մինչ ինչ-որ բան կհասցնի կատարվել։
23. Նրանք գիտեն կառավարել զգացմունքները։ Նրանք զգում են նույնը, ինչ ուրիշները, բայց իրենց զգացմունքների ստրուկները չեն։
24. Նրանք տիրապետում են հաղորդակցման կուլտուրային և անընդհատ այն կատարելագործում են։
25. Նրանք կյանքի որոշակի ծրագիր ունեն և դրանով են շարժվում։ Նրանց կյանքն անկանոն իրադարձությունների հերթափոխություն չէ։


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Կյանքի դասեր Բենջամին Ֆրանկլինից

1. Քի՛չ խոսեք, շա՛տ գործեք։
Խոսակցությունները համարյա ոչինչ չարժեն: Շատ մարդիկ անվերջ խոսում են այն մասին, թե ինչ են ուզում անել, բայց հաճախ այդպես էլ ոչինչ չեն սկսում: Այսպես, որպեսզի իրականացնեք մտածածը, պետք է գործեք, ընդ որում՝ հստակ տեսնելով ձեր առջև ծառացած բոլոր խնդիրները:
2. Մի՛ հետաձգեք վաղվան այն, ինչը կարելի է անել այսօր։
Մենք բոլորս գիտենք այս արտահայտությունը դեռ մանկուց: Բենջամին Ֆրանկլինը իր կյանքում շատ բաների է հասել շնորհիվ այն բանի, որ երբեք չի տատանվել: Նա հստակ նպատակներով մարդ էր, որոնց հասնում էր մշտական և համառ աշխատանքի շնորհիվ: Մտածե՛ք, թե ինչն է ձեզ համար այսօր կարևոր, որ դուք հետաձգում եք վաղվան:
3. Պատրա՛ստ եղեք անհաջողությունների։
Նպատակներին հասնելու համար պարտադիր ծրագիր է պետք: Սակայն այն պետք է լինի իրատեսական և հաշվի առնի անկանխատեսելի իրավիճակները: Անհնար է կուրորեն հետևել սկզբնական ծրագրին մինչև վերջ՝ ոչ մի փոփոխություն չանելով, չէ՞ որ կյանքը միշտ մտցնում է իր շտկումները: Դրա համար էլ, շարժվելով դեպի նպատակը, եղեք ճկո՛ւն, ինչպես ասում են, միշտ սպասե՛ք լավագույնին, բայց պատրաստ եղեք վատագույնին:
4. Մի՛ դիմադրեք փոփոխություններին։
Մեզնից շատերը չեն սիրում փոփոխություններ, այն դեպքում, երբ ոմանք առանց դրանց չեն կարող առաջ շարժվել: Պետք է հասկանալ, որ դրանք անխուսափելի են, և ինչքան ուժեղ ենք ընդդիմանում, այնքան ավելի շատ ժամանակ և էներգիա ենք կորցնում: Դադարեցրե՛ք այդ անիմաստ պայքարը, ձգտե՛ք յուրաքանչյուր փոփոխության մեջ գտնել դրականը:
5. Խուսափե՛ք անօգուտ աշխատանքից։
Երբեք չշփոթեք շարժումը գործողության հետ: Մենք միշտ ինչ-որ բանով զբաղված ենք, բայց արդյո՞ք մեր այդ գործերը այդքան կարևոր են. բերու՞մ են օրվա վերջում արդյունքներ և բավարարվածության զգացում: Ձեր յուրաքանչյուր գործողություն պետք է իմաստ ունենա: Փորձեք անել ա՛յն, ինչն իսկապես արդյունք է տալիս:
6. Թո՛ւյլ տվեք ձեզ սխալվել։
Եթե մենք վախենում ենք սխալվել, ապա սկսում ենք վախենալ ինչ-որ նոր բան փորձելուց: Վախը ստիպում է մարդուն մնալ հարմարավետության օղակում, ինչն էլ նրան թուլացնում է:
7. Օգտագործե՛ք յուրաքանչյուր հնարավորություն։
Իրականում մեր շուրջը շատ հնարավորություններ կան: Որպեսզի կյանքում առաջընթաց ունենանք, անհրաժեշտ է կարողանալ արագ օգտագործել այն հնարավորությունները, որոնք տրվում են մեզ հենց այս պահին:


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Ասույթներ. Սողոմոն Իմաստուն

Նույնիսկ հիմարը կարող է իմաստուն երևալ, երբ լռում է։
Ողջախոհը կանխազգում է վտանգը և թաքնվում, իսկ անփորձներն առաջ են գնում և պատժվում։
Համբերատար լինելն ավելի լավ է, քան քաջ լինելը, ինքն իրեն տիրապետելն ավելի լավ է, քան քաղաքի տիրակալ լինելը։
Ծույլի հոգին ձգտում է, բայց ապարդյուն։
Նենգությունը չարագործների սրտում է, իսկ ուրախությունը՝ խաղաղարարների։
Երբեմն պատահում է՝ ծիծաղի ժամանակ էլ է սիրտը ցավում, երբեմն էլ ուրախությունն է վերջանում վշտով։
Ով ուրախանում է ուրիշի անհաջողության համար, անպատիժ չի մնա։
Ով թաքցնում է ատելությունը, նա խաբեբա է, իսկ նա, ով չարախոսում է` հիմար։
Ով ուզում է ընկերներ ունենալ, պետք է ինքն ընկերասեր լինի. լինում է՝ ընկերն ավելի հարազատ է լինում, քան եղբայրը։
Երկար չարդարացվող հույսը հուզում է սիրտը, իսկ իրականացած ցանկությունը կյանքի հիմքն է։
Սիրտդ սովորելո՛ւն տուր, իսկ ականջներդ՝ խելացի խոսքերին։
Թող քեզ ուրիշը գովի, ոչ թե քո շուրթերը, ուրիշի, ոչ թե քո լեզուն։
Գլխավորն իմասությունն է. իմաստությո՛ւն և խե՛լք հավաքիր, բա՛րձր գնահատիր այն, և այն կվեհացնի քեզ։
Բարի անունն ավելի վեր է, քան հարստությունը, և բարի համբավն ավելի լավ է արծաթից ու ոսկուց։
Ով բարու դիմաց չարիքով է պատասխանում, նրա տնից չարը չի հեռանա: Ընկերություն մի արա ջղային մարդու հետ և մի շփվիր բռնկուն մարդու հետ:
Հիմարին հիմարությամբ մի պատասխանիր, որպեսզի դու էլ նրա նման չդառնաս:
Ջղայնությունը կործանում է նաև խելամիտներին:
Հիմարը ամբողջ ջղայնությունը թափում է, իսկ խելացին պահում է իր մեջ:


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Առաջնորդի կրտսեր դուստրը

Մի անգամ երկու նավարկողներ որոշեցին շուրջերկրյա ճանապարհորդություն կազմակերպել, որ գտնեն իրենց ճակատագիրը: Իրենց նավով հասան մի կղզու, որի ցեղերից մեկի առաջնորդը երկու դուստր ուներ: Մեծ աղջիկը գեղեցկուհի էր, իսկ կրտսերը` ոչ այնքան: Նավարկողներից մեկը մյուսին ասաց.
-Վերջ, ես գտել եմ երջանկությունս, մնում եմ այստեղ ու կամուսնանամ առաջնորդի դստեր հետ:
-Այո, դու ճիշտ ես. առաջնորդի մեծ դուստրը գեղեցկուհի է:Դու ճիշտ որոշում ես կայացրել. ամուսնացիր:
-Դու ինձ չհասկացար, ընկերս: Ես ամուսնանում եմ առաջնորդի կրտսեր դստեր հետ:
-Խելագարվել ես. նա այնքան էլ լավը չի:
-Դա է իմ որոշումը:
Նավարկողը շարունակեց իր ճանապարհը` իր երջանկությունը գտնելու հույսով, իսկ մյուսը գնաց առաջնորդի մոտ: Այդ ցեղում հարսի համար կով էին «վճարում», լավ հարսնացուն տասը կով «արժեր»:
Եվ ահա, բերեց նա առաջնորդի մոտ տասը կով:
-Առաջնորդ, ես ցանկություն ունեմ դստերդ հետ ամուսնանալու ու տալիս եմ նրա համար տասը կով:
-Լավ ընտրություն է: Իմ մեծ դուստրը գեղցկուհի է, ու նա տասը կովի արժանի է: Ես համաձայն եմ:
-Չէ, առաջնորդ, դու լավ չհասկացար: Ես ցանկանում եմ կրտսեր աղջկադ հետ ամուսնանալ:
-Կատակու՞մ ես: Բայց չէ՞ որ նա այդքան էլ լավը չի…
-Ես ուզում եմ հենց նրա հետ ամուսնանալ:
-Լավ, բայց որպես ազնիվ մարդ, ես չեմ կարող վերցնել տասը կով. նա այդքանի արժանի չէ: Ես կվերցնեմ երեք կով և ոչ ավելի:
-Ոչ, ես ուզում եմ վճարել հենց տասը կով:
Եվ այսպես նրանք ամուսնացան:
Մի քանի տարի անցավ: Մյուս նավարկողը նորից անցնում էր նույն կղզու մոտով ու որոշեց այցելել իր ընկերոջը, տեսնել, թե ինչպես է: Քայլում էր ափով, երբ նկատեց, որ իրեն է մոտենում անսահման գեղեցկության տեր մի կին:
Նա հարցրեց, թե ինչպես գտնի իր ընկերոջը, և կինը ցույց տվեց: Գալիս է ու տեսնում է ընկերը նստած է, շուրջբոլորը երեխաներ են վազվզում: -Ինչպե՞ս ես ապրում:
-Ես շատ երջանիկ եմ:
Ներս է մտնում այն նույն գեղեցիկ կինը:
-Ծանոթացիր. նա իմ կինն է:
-Ոչ, սա նույն կի՞նն է:
-Բայց ինչպե՞ս պատահեց, որ նա այդքան փոխվեց: -Իսկ դու նրանից հարցրու:
Նա մոտեցավ կնոջը ու հարցրեց.
-Ներիր անտակտությանս համար, բայց ես հիշում եմ` ինչպիսին էիր դու ...դե ոչ այնքան գեղեցիկ: Ի՞նչ պատահեց, որ դու այսպիսի աննկարագրելի գեղեցիկ դարձար:
-Պարզապես մի օր հասկացա, որ տասը կովի եմ արժանի:
Գնահատեք մարդուն ավելին, քան նա այդ պահին թվում է արտաքինից, և նա կդառնա այդպիսին:


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Աշխարհի մեծերի խոսքերից

Հեղափոխությունը պատրաստում են հանճարները, իրականացնում են ֆանատիկները, իսկ պտուղները վայելում են անցորդները:
Օտտո Բիսմարկ

Թույլ մարդիկ սպասում են հարմար առիթի, ուժեղները այն ստեղծում են:
Մակսիմ Գորկի

Ես վատ բնավորություն ունեմ. այդ պատճառով տանել չեմ կարողանում վատ բնավորությամբ մարդկանց:
Իոնեսկու

Ամենաթեժ անկյունները դժողքում պահված են նրանց համար, ովքեր մեծ անբարոյական ճեղքվածքների ժամանակ պահել են չեզոքություն:
Դանթե Ալիգերի

Պետք է հավաքել քարերը, որոնք ձեզ վրա են նետում. դա ապագայի տակդիրը կլինի:
Գեկտոր Բեռլիոզ

Պաշտում եմ լսել սուտը, երբ գիտեմ ճիշմարտությունը:
Ա.Չելենտանո

Նայե'ք փիլիսոփաների գրքերը. նրանք աննշան են Աստվածաշնչի առաջ: Արդյո՞ք հնարավոր է, որ այս զարմանալի և դրա հետ մեկտեղ պարզ գիրքը մարդկանց ձեռքի գործը լինի:
Ժան Ժակ Ռուսո

Շան առաջ նետված ոսկորը ողորմածություն չէ: Ողորմածությունը շան հետ կիսած ոսկորն է, երբ դու սոված ես իրենց ոչ պակաս:
Ջեկ Լոնդոն

Գեղեցկության խնամքը պետք է սկսել սրտից և հոգուց, այլապես ոչ մի կոսմետիկ միջոցներ չեն օգնի:
Կոկո Շանել

Միայն չար մարդիկ են չարից վախենում:
Վալտեր Սկոտ


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Մոտիվացնող աֆորիզմներ

Լավատեսը ամեն դժվարության մեջ գտնում է հնարավորություններ, հոռետեսը գտնում է դժվարություններ ամեն հնարավորության մեջ:
Ուիսթոն Չերչիլ
Ձեր բարեկեցությունը կախված է ձեր որոշումներից:
Ջոն Ռոկֆելեր
Երբ հոսող ջուրը իր ճանապարհին արգելքի է հանդիպում, այն կանգնում է , ավելացնում ծավալները և ուժը և հետո հոսում է նրա վրայով: Հետևե՛ք ջրի օրինակին. Կանգնե՛ք և ավելացրե՛ք ձեր ուժն այնքան ժամանակ, քանի դեռ խոչընդոտը հաղթահարված չէ:
Ի Ցզին
Եթե դուք կենտրոնացնեք ձեր ուշադրությունը միաժամանակ մի քանի բաների վրա, դուք կստանաք որոշակի արդյունքներ: Եթե դուք կենտրոնացնեք ձեր ուշադրությունը ինչ-որ կոնկրետ բանի վրա, դուք կստանաք անհավանական արդյունքներ:
Ջոն Ռոն
Փախուստի ժամանակ սովորաբար ավելի շատ զինվորներ են զոհվում, քան ճակատամարտում։
Լագերլյոֆ
Անհաջողությունը միայն ժամանակավոր է. հանձնվելով դուք դարձնում եք այն մշտական:
Մերելին Սավանտ
Թույլ մարդիկ սպասում են հարմար առիթի, ուժեղները ստեղծում են այն:
Մակսիմ Գորկի
Եթե նույնիսկ շատ տաղանդավոր եք և շատ ջանք եք գործադրում, որոշակի արդյունքի հասնելու համար պարզապես ժամանակ է պետք։
Ուորեն Բաֆֆետ
Ես դա եմ ուզում։ Նշանակում է՝ դա կլինի։
Հենրի Ֆորդ
Դասը, որը ես քաղել եմ ու որին հետևում եմ ողջ կյանքում, փորձելու, փորձելու և կրկին փորձելու, բայց երբեք չհանձնվելու մասին է։
Ռիչարդ Բրենսոն
Ամենամեծ փառքին արժանանում է ոչ թե նա, ով երբեք չի ընկնում, այլ նա, ով կարողանում է բարձրանալ իր ամեն մի անկումից հետո:
Նելսոն Մանդելա
Շատ բան կարող է անել նա, ով շատ է իր վրա հույս դնում:
Հումբոլդտ
Եթե ճանապարհը տանում է դեպի նպատակը, ապա միևնույն է, թե ինչքան է նրա երկարությունը:
Մարցինովսկի
Ճշմարտությունը արևի նման կարող է մշուշապատվել, բայց միայն ժամանակավորապես:
Բոուվի
Լավը և նույնիսկ լավագույնը արագորեն ձանձրացնում է, եթե դառնում է ամենօրյա:
Լեսսինգ
Սեփական աչքում արդարանալու համար մենք հաճախ մեզ համոզում ենք, որ մեր ուժից վեր է հասնել նպատակին, իսկ իրականում մենք ոչ թե անզոր ենք , այլ անկամ:
Լառոշֆուկո
Ինչ էլ պատահի, համբերությամբ ու կամքով մենք ամեն ինչ կհաղթահարենք:
Վերգիլիոս
Գնա քո ճանապարհով, և թող մարդիկ ասեն, ինչ ուզում են:
Ա. Դանթե
Հաղթողներին չեն դատում, իսկ պարտությունը ոչ մի արդարացում չունի:


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

ՍԱՆԻ ՍՔՈՒԼ

SUNNY SCHOOL/Սանի սքուլ ուսումնական կենտրոնն անցկացնում է բարձրակարգ WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։

ՆՈՒՄԵՐՈՒՍ ՍԻՍՏԵՄ

Բարձրորակ, բազմաֆունկցիոնալ կայքերի պատրաստում և որակյալ սպասարկում` Նումերուս սիստեմ/Numerus System միջազգային ընկերության կողմից: