Հարաբերություններ

2012/01/31

Ինչպես պահել երազանքի աղջկան

աղջիկ տղա հարաբերություններ հմայում ընկերություն

Շատ հաճախ, երբ մենք գրավում ենք մեր երազած աղջկա սիրտը և սկսում ենք նրա հետ ընկերություն անել, փորձում ենք ամեն կերպ պահել նրան և հենց այդ ժամանակ էլ թույլ ենք տալիս սխալներ, որոնց պատճառով նա մեզ լքում է: Ձեզ ենք ներկայացնում մոտեցում, որը կարող է օգնել Ձեզ Ձեր կողքին պահել Ձեր երազանքի աղջկան և գեղեցիկ ձևով վերահսկել իրավիճակը:

Ահա մի քանի խորհուրդ, թե ինչ անել, որ Ձեր երազանքի աղջիկը, ում հետ ընկերություն եք անում, Ձեզ չլքի.
1. եղե´ք կայուն,
Երբ Դուք գտնում եք Ձեր երազանքի աղջկան, ինքներդ Ձեզ փոխելու բնական հակում է առաջանում պայմանավորված նրանով, որ փորձում եք նրան ավելի շատ դուր գալ։ Դուք սկսում եք լսել այնպիսի երաժշտություն, ինչպիսին նա է լսում, ուտել այն, ինչ նա է ուտում, անել բաներ, որ նրան են դուր գալիս: Մի խոսքով, ցույց եք տալիս, որ չունեք կայուն բնավորություն: Մի´ փոխեք Ձեր ճաշակը և հետաքրքրությունները, և այն Ձեր ընկերուհու ճաշակին մի´ նմանեցրեք. դա մեծագույն սխալ է, նույնիսկ այն դեպքում, եթե նա ասում է, որ ուզում է՝ Դուք փոխվեք։ Եթե Դուք դա անեք, նա կձանձրանա Ձեզնից:

2. ունեցե´ք նպատակ և հետաքրքիր կյանք,
Կանայք սիրում են այն տղամարդկանց, ովքեր ունեն ձգտում ու նպատակ, որը տարբերվում է իրենցինից: Դուք պետք է ունենաք կյանք, որում ամեն ինչ ինքնահոսի առաջ է շարժվում: Գուցե Դուք մտածեք, թե նա կցանկանա, որ թողնեք Ձեր բոլոր ընկերներին և հոբիները՝ հանուն իրեն, բայց հենց դա էլ կարող է դառնալ Ձեզնից ձանձրանալու պատճառ: Գրավիչ տղամարդն ունենում է նպատակ և մեծ ու հետաքրքիր կյանք, որի մասն է դառնում կինը: Այդպիսի տղամարդն ամեն ինչ պատուհանից չի շպրտում, երբ նրա կյանքում կին է հայտնվում:

3. չափազանց շուտ ամբողջովին մի´ նվիրվեք,
Տղամարդն ավելի արագ է գայթակղվում հարաբերությունների սկզբնական փուլում. գրեթե միշտ տղամարդիկ են սիրահարվում առաջինը: Եթե Դուք ասում եք նրան, որ սիրում եք և ուզում եք նրա հետ լինել հավետ կամ այլ նման խոսքեր, օրինակ՝ «Դու ինձ գերել ես», «Ես քոնն եմ», Դուք սխալ եք գործում: Դա ռոմանտիկ է, բայց կինը կասկած է ուզում, նա ուզում է, որ Դուք լինեք իրենը 90, բայց ոչ երբեք 100 %-ով: Մի քանի ամսից հետո Դուք կարող եք թույլ տալ Ձեզ այդպիսի քայլեր, բայց ուշադի´ր եղեք և ճշտե´ք` արդյոք նրան չեք կորցնում:

4. մի´ փոխեք այն, ինչ նրան դուր չի գալիս,
Նա գերվել է կոնկրետ անձով` Ձեզնով: Այն պահին, երբ նա Ձեզ տեսավ, գուցե Դուք ինքնավստահ էիք կամ միգուցե շատ համառ: Այնքան էլ էական չէ, թե ինչի շնորհիվ, բայց Դուք նրան դուր եկաք. մի´ փոխվեք ամբողջովին և մի´դարձեք խաղալիք միայն այն պատճառով, որ սիրահարվել եք:

5. մի´ հետապնդեք նրան։
Եթե զգում եք, որ նրան կորցնում եք, բնական ձգտում է առաջանում նրան հետապնդելու, ավելի շատ կոպլիմենտներ ու նվերներ անելու: Արե ‘ք հակառակը. սկսեք շփվել ա´յլ աղջկա հետ, ուղղե´ք Ձեր էներգիան այլ բաների վրա, և նա կվերադառնա: Սա կոչվում է հրում-ձգում էֆեկտ և շատ արդյունավետ է:

Youandworld.am

Եթե հավանեցիք, կիսվե՛ք Ձեր ընկերների հետ:

Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

3 Մեկնաբանություն


  1. Այս հոդվածն օգտակար կլինի ոչ միայն տղաներին այլև աղջիկներին :)


  2. Garegin ev Termine

    Bareb dzez, shat ogtakar ev usucanoc cragire, ays amenen inchpes pachenahanem, porpeszi enkeruhus cuyc tam, xndrum em ogneq ays harcov, kanxav shnorhakal em,


    • admin

      Բարև Ձեզ, շնորհակալություն: Պատճենահանում ցավոք հնարավոր չէ, քանի որ մեր նյութերը գողացվում են այլ կայքերի և բլոգների կողմից, բայց կարող եք լինկը ուղարկել Ձեր ընկերուհուն, և նա կարդա:



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



. Кино Новинки HD This site is protected by WP-CopyRightPro