Advertisement


Օգտակար և հետաքրքիր

2012/03/10

Ինչո՞ւ են կին ղեկավարներն այդքան քիչ

Ապակե առաստաղ կանայք

Շերիլ Սենդբերգ

Եկեք ընդունենք, որ մենք հաջողակ ենք: Մենք չենք ապրում աշխարհում, որտեղ ապրել էին մեր մայրերը, մեր տատիկները, որտեղ կանանց համար մասնագիտության ընտրությունն այնքան սահմանափակ էր: Մեզանից շատերը մեծացել են մի աշխարհում, որտեղ ունեն քաղաքացիական իրավունքներ: Զարմանալի է՝ այդ աշխարհում որոշ կանայք այդ իրավունքներից դեռ զուրկ են: Բայց այս ամենը մի կողմ դրած՝ մենք դեռ խնդիր ունենք, իրական խնդիր:

Խնդիրը սա է` կանայք չեն հասնում բարձր ղեկավար պաշտոնի որևէ մասնագիտության մեջ: Թվերը շատ հստակ ցույց են տալիս` 190 երկրների նախագահներից միայն 9-ն են կին, աշխարհի բոլոր պառլամենտների անդամների միայն 13%-ն է կին: Եվ այս թվերը չեն փոխվել 2002 թ-ից: Նույնիսկ շահույթ չհետապնդող կազմակերպություններում ղեկավար կանայք 20 % են կազմում:

Մենք ունենք նաև մեկ այլ խնդիր` կանայք ավելի ծանր ընտրության առջև են կանգնած մասնագիտական հաջողության և անձնական կյանքի բավարարվածության միջև: Վերջերս կատարված մի ուսումնասիրություն ցույց է տվել, որ ամուսնացած թոփ մենեջեր տղամարդկանց երկու երրորդն ունի երեխաներ, իսկ կանանց՝  միայն մեկ երրորդը:

Խնդիրն այս է՝ ինչպես կարող ենք փոխել ղեկավար պաշտոնների թվերը և իրավիճակը: Մարդիկ շատ են խոսում դրա մասին: Նրանք խոսում են ճկուն գրաֆիկի, ուսուցման համակարգի և հատուկ ծրագրերի մասին, որ կանանց պետք է սովորեցնեն կազմակերպությունները, բայց ես ուզում եմ կենտրոնանալ նրա վրա, թե ինչ կարող ենք անել մենք` որպես անհատներ: Ի՞նչ խորհուրդ մենք պետք է տանք ինքներս մեզ:

Ես ժամանել եմ Սան Ֆրանցիսկոյից, որտեղ հիմա ապրում եմ: Երբ պատրստվում էի ինքնաթիռ նստել՝ այս կոնֆերանսին մասնակցելու համար, երեք տարեկան աղջիկս, ում պետք է մանկապարտեզում թողնեի, գրկեց ոտքս և սկսեց արտասվել` ասելով. «Մայրի՛կ, խնդրում եմ, մի՛ նստիր ինքնաթիռ»: Սա ծանր է. երբեմն ես ինձ մեղավոր եմ զգում: Ես չեմ ճանաչում որևէ կնոջ (անկախ նրանից՝ աշխատում է, թե ոչ), ով նույնը չի զգում ժամանակ առ ժամանակ:

Իմ ելույթը այսօր խորհուրդների մասին է։ Եթե դուք ցանականում եք մնալ աշխատաշուկայում, կարծում եմ, խորհուրդները երեքն են`

  1.  նստե՛ք սեղանի շուրջ,
  2.  ձեր գործընկերոջը դարձրեք իրակա՛ն գործընկեր,
  3.  մի՛ լքեք մինչև լքելու ժամանակը:

Աղբյուրը` TEDx

Երկրորդ մասը կարդալ այստեղ։

Youandworld.am

Եթե հավանեցիք, կիսվե՛ք Ձեր ընկերների հետ:

Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

1 Մեկնաբանություն


  1. Վահե

    хотя статистика и показывает, что женщин руководителей очень мало пока, но динамика показывает, что в 21 веке мы в большей степени создаем коллективы с ярко выраженной женственностью.а это значит, что женщин на самом деле с каждым годом станет все больше и больше.



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



. Кино Новинки HD This site is protected by WP-CopyRightPro