Հաջողության բանաձև

2012/03/20

Քըրք Քըրքորյան. Լաս Վեգասի արծիվը

Քըրք Քըրքորյան

«Հայը թռչող գորգի վրա». հենց այսպես կոչեցին նրան լրագրողները ֆինանսական վերելքի համար։ Նրա անունը տեղ գտավ նույնիսկ Դեյվիդ Լենգի «Հայեր. ստեղծագործ ազգ» գրքում, որում հեղիակը, միլիարդատիրոջ կենսագրությունը շարադրելով, նշել է, որ նրա հաջողություններն այնքան շատ են, որ հնարավոր չէ դրանք նկարագրել մեկ գրքի էջերում։

Այդ ժամանակներից Քըրքորյանի անունն սկսեց հայտնվել համաշխարհային մամուլի առաջին էջերում՝ չնայած ֆինանսական հանճարը շարունակում էր խուսափել հրապարակային ելույթներից ու կտրականապես հրաժարվում հարցազրույց տալուց։ Լրագրողները նրան համեմատում են մուլտիմիլիարդատեր Հովարդ Հյուզի հետ և ավելացնում, որ Քըրքը նրան իր ֆինանսական կարողությամբ շատ քիչ է զիջում։ «Լաս Վեգասի արծիվ» և «հայը թռչող գորգի վրա» մականունները տարիներ շարունակ ուղեկցում են նրան։

Քըրքորյանի հետագա կյանքը բնութագրվում է նյութական բարեկեցության հսկայական մակարդակով։ Նրա կարողությունն օր օրի աճում էր, իսկ անունն ավելի ու ավելի հաճախ էր տեղ գտնում համաշխարհային մամուլի էջերում, որտեղ հրապարակվում էին նորություններ այն ճյուղերի զարգացման մասին, որոնցում միլիարդատերը ներդրումներ էր կատարում։

Բայց այնուամենայնիվ հիմնական ոլորտը, որում Քըրքորյանը ներդրումներ էր անում, մնում էր խաղային բիզնեսը։ Արդյունքում այն Քըրքին ավելի մեծ եկամուտ էր ապահովում, քան նրան պատկանող աշխարհով մեկ հայտնի կինոստուդիաները։ Արդյունքում դա բերեց Չինաստանում և Մեծ Բրիտանիայում բիզնեսն ընդլայնելու որոշման։ Տարիներ անց նա որոշեց խաղային բիզնեսում ներդնել իր կարողության մեծ մասը՝ այդ նպատակով վաճառելով Ford-ի՝ իրեն պատկանող բաժնետոմսերը։

ԱՄՆ-ի գործարար թերթերը մինչ օրս էլ չեն դադարում հետևել Քըրքորյանի բիզնեսի զարգացմանը։ Համաշխարհային ԶԼՄ-ները կանոնավոր կերպով լուսաբանում են Հայաստանի օգնությանն ուղղված միջոցառումները. հայկական արմատներ ունեցող միլիարդատերը չի մոռանում հայրենիքը։ 1998թ. ստորագրվեց հուշագիր՝ Լինսի բարեգործական հիմնադրամից Հայաստանին միջոցներ տրամադրելու մասին, որով երկրի զարգացմանն ուղղվեց մոտ 150 մլն դոլար։ Մինչ օրս 1 մլրդ-ից ավելի գումար է տրամադրվել Հայաստանին՝ ճանապարհների վերանորոգման, մշակութային և տնտեսական կյանքի բարելավման, ինչպես նաև երկրաշարժից տուժածների կենսապայմանների բարելավման, մասնավորապես նոր բնակելի տների շինարարության համար։

Նույնիսկ 95 տարեկանում, չնայած տարիքին, միլիարդատերը չի պատրաստվում հանգստի գնալ։ Այսօր  Քըրքորյանը շարունակում է ակտիվորեն բիզնեսով զբաղվել։

Ավա Քոչարյան

Հաջորդ մասն այստեղ։

Շարունակելի…

Եթե հավանեցիք, կիսվե՛ք Ձեր ընկերների հետ:

Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

0 Մեկնաբանություն



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



Restore My Vision Today . Кино Новинки HD This site is protected by WP-CopyRightPro