Հաջողության բանաձև

2012/04/13

Ջեյմս Թուֆենկյան. հեռատես գործարարը

Ջեյմս Թուֆենկյան

Թուֆենկյանների ընտանիքն Արևմտյան Հայաստանից ԱՄՆ է ներգաղթել 1890թ.՝ Համիդյան ջարդերի ժամանակ,և հաստատվել Կալիֆոռնիայում։ Ջեյմսը, ավարտելով Նյու Յորքի համալսարանի իրավաբանության ֆակուլտետը, կտրուկ որոշում է փոխել գործունեության ոլորտը։ 1986թ.-ի այցը Նեպալ բացահայտեց նրա իրական կոչումը։ Նեպալում Ջեյմսը հանդիպեց  հայրենի Տիբեթից վտարված մի գորգագործ վարպետի, որը գորգի արհեստանոց ուներ։ Նա հրաշալի համարեց 21-րդ դարում ավանդական գորգագործության  մեջ ներդրում կատարելու միտքը  և որոշեց համագործակցել. ներդրումը շահավետ էր երկու կողմի համար էլ։

Այսպես Ջեյմսը տիբեթյան գորգերի հաջող բիզնեսի հիմքը դրեց։ Թուֆենկյանի գորգերի և ընդհանրապես Թուֆենկյանի ողջ գործունեության նպատակը յուրահատուկ արժեք ունեցող իրեր ստեղծելն է։

1993թ.-ին Ջեյմսն այցելեց Հայաստան ոչ թե որպես զբոսաշրջիկ, որը պատրաստվում էր այստեղ իր հանգիստն անց կացնել, այլ որպես հաջողակ գործարար։ Հայաստանում ներդրում կատարելն այդ շրջանում բավականին ռիսկային էր. դրա համար պետք էր ծայրահեղ լավատես լինել։ Ջեյմսը ոչ միայն լավատես, այլև հեռատես գործարար է։

«Երբ առաջին անգամ այցելեցի իմ նախնիների ծննդավայր, հիացած էի նրա գեղեցկությամբ, պատմությամբ և ժողովրդի ոգով։ Այսպես ես որոշեցի օգտվել հնարավորությունից և օգտագործել իմ բիզնեսը՝ խորհրդային տարիներին անուշադրության մատնված դարավոր հայկական արվեստը՝ գորգագործությունը, վերականգնելու համար։ Եվ քանի որ երկար ժամանակ անց կացրեցի Հայաստանում, հայերի կյանքին ավելի մոտից ծանոթացա, փորձեցի հայկական խոհանոցը, սուզվեցի նրա յուրահատուկ մշակույթի մեջ, տեսա նրա անկրկնելի բնապատկերները և ուսումնասիրեցի դարավոր պատմությունը։ Հասկացա՝ գաղտնիք ունեմ աշխարհի հետ կիսելու»։ Այսպես ծագեց Հայաստանում բարձրակարգ հյուրանոցային ցանց ունենալու միտքը։

1999 թ. ստեղծվեց Թուֆենկյան հիմնադրամը, որը ծրագրեր է ֆինանսավորում Նեպալում և Հայաստանում։ Այժմ Թուֆենկյանը դասախոսություններ է կարդում Հարվարդում և Կոլումբիայում ձեռնարկատիրության և բիզնեսի սոցիալական պատասխանատվության մասին։ Ապրում է Մանհեթենում, ակտիվ գործունեություն է ծավալում Թուֆենկյան ընկերությունների խմբի բոլոր ասպարեզներում, այդ թվում՝ Թուֆենկյան գորգերի յուրահատուկ դիզայնի ուղղությամբ՝ «Ավելի լավ է գործել՝ բարություն անելով» կարգախոսով։

Ավա Քոչարյան

Եթե հավանեցիք, կիսվե՛ք Ձեր ընկերների հետ:

Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

0 Մեկնաբանություն



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



. Кино Новинки HD This site is protected by WP-CopyRightPro