Այժմ ավելի մանրամասն նկարագրենք, թե ինչու որոշ կանայք հիասթափված ասում են, որ «լավ» տղամարդ չկա: Ինչպես նշեցինք, հարաբերությունների hիմքում ընկած զգացողության և որոշումների տարբեր լինելու դեպքում երկընտրանք է առաջանում, ինչ-որ մեկի նկատմամբ կապվածություն ես զգում, բայց նա չի համապատասխանում կապվածություն  ստեղծելու քո մոդելին:

Այսօր կանանցից շատ ավելին է պահանջվում, քան նախկինում. սոցիալական պահանջները նրան դրդում են աշխատանքի, ընտանիքում, երեխաների դաստիարակության մեջ հաջողակ լինելու` մնալով միշտ գեղեցիկ ու գրավիչ, բայց չէ՞ որ սա շատ մեծ հրամայական է: Բացի սրանից՝ կնոջից նաև պահանջում են խելացիություն, մոտիվացվածություն և ինքնուրույնություն: Այս ամենից հետո բնական է, որ կինը կցանկա, որ իր ընտրած տղամարդը լինի իր կյանքին և նպատակներին համապատասխան և արժանի մեկը: Սովորաբար այսպիսի կանայք փորձում են կապվածություն ստեղծել այնպիսի տղամարդկանց հետ, ովքեր համագործակցող են, աջակցող և ընթանում են մի ուղղությամբ, որ կինը կարևոր է համարում:

Ինչպես նշեցինք, սրանք սոցիալական ստանդարտներ են, և այն տղամարդիկ, որոնք համառ են և միակողմանի մտածող, կարող են կապվածության տեսակետից անհամապատասխան զույգ լինել: Հետաքրքիրն այն է, որ տղամարդկանց այս գծերը, եթե անցանկալի են կապվածության տեսանկյունից, ապա ցանկալի են ձգողականության և հմայքի տեսանկյունից, հատկապես այն տղամարդիկ, որոնք իրենց մեջ ունեն ղեկավարելու և  առաջնորդին հատուկ գծեր, կենսաբանությունն իր խոսքը ասում է այստեղ:

Այն տղամարդիկ, որոնք համագործակցող և աջակցող են և որոնց կինը համարում է «լավ» տղամարդ, որոշ ժամանակ անց կարող են ձանձրացնել նրան։ Եվ քանի որ կինը սիրում է ապրումներ ու մի փոքր արկածային կյանք, վերոնշյալ տղամարդկանց ընտրելու դեպքում նա անբավարարվածության զգացում կունենա հոգեբանական և ֆիզիկական մակարդակներում:

Մի կարևոր եզրահանգում ևս. այս ամենը չի նշանակում, որ լուծումներ չկան երկընտրանքի հարցում։ Դրանց մասին կխոսենք հաջորդ հոդվածում:

Շարունակելի…

Կարդացեք նաև`

 
• Ինչո՞ւ են կանայք կարծում, որ հիմա լավ տղամարդ չկա Մեր դարաշրջանում ավելի դժվարին են դարձել կին-տղամարդ հարաբերությունները: Մեծամասամբ կանայք ասում են, որ տղամարդկանց հետ հարաբերություններ չեն սկսում,... 
 
• Աշխարհի առաջին միլիարդատերն ու կանայք Հոդվածի առաջին մասն կարդալ այստեղ: 17 տարեկանում Հովարդը սիրահարվեց 23-ամյա գեղեցկուհի դերասանուհի Էլեոնորա Բորդմանին: Նրա խոսքերով... 
 
• Տղամարդկանց և կանանց ընկերությունը Մի պատմություն տղամարդկանց ընկերությունից. «Նրանք արդեն 30 տարի է՝ ավարտել են համալսարանը, բայց ամեն տարի... 
 
• Ինչո՞ւ են կին ղեկավարներն այդքան քիչ 2 Շերիլ Սենդբերգ Առաջին մասը կարդալ այստեղ։ Առաջինը` նստե՛ք սեղանի շուրջ։ Մի քանի շաբաթ առաջ Ֆեյսբուքի... 
 
• Ինչպես պահել երազանքի աղջկան Շատ հաճախ, երբ մենք գրավում ենք մեր երազած աղջկա սիրտը և սկսում ենք նրա հետ...