Հաջողության բանաձև

2012/06/22

Դաս Բիլ Գեյթսից

Բիլ Գեյթս

Բիլ Գեյթսը հաճախ է դպրոցներ այցելում և իր ելույթների ընթացքում կիսվում իր փորձով։ Ամեն անգամ ելույթի վերջում նա խոսում է 11 կանոնների մասին, որոնք, ըստ նրա, դպրոցում չեն սովորեցնում։ Նա խոսում է այն մասին, որ մեր ժամանակներում մեծանում է երեխաների այնպիսի սերունդ, որը կտրված է իրականությունից և չի կարող ապրել այս անկանխատեսելի աշխարհում։

Կանոն 1. Կյանքն անարդար է. հարմարվե՛ք։

Կանոն 2. Հասարակությանը բոլորովին չի հուզում ձեր ինքնագնահատականը. ձեզնից ձեռքբերումների են սպասում։

Կանոն 3. Դուք չեք վաստակի տարեկան 60 հազար դոլար անմիջապես դպրոցն ավարտելուց հետո։ Դուք անձնական վարորդ ունեցող փոխտնօրեն չեք դառնա, մինչև ձեր աշխատանքով դրան չհասնեք։

Կանոն 4. Եթե կարծում եք, թե ուսուցիչը շատ խիստ է ձեր նկատմամբ, դա դեռ մանրուք է։ Սպասեք, մինչ ղեկավար կունենաք։

Կանոն 5. Համբուրգերներ տապակելը ձեր արժանապատվությունից վե՞ր է։ Ձեր տատերն ու պապերն այլ կերպ էին մտածում. նրանց համար դա կյանքից կառչելու միջոց էր։

Կանոն 6. Եթե ձեզ մոտ ինչ-որ բան չի ստացվում, մեղավորը ձեր ծնողները չեն, այնպես որ պետք չէ նվնվալ. սովորե՛ք ձեր սխալներից։

Կանոն 7. Ձեր ծնողները ոչ միշտ են եղել այնքան ձանձրալի, որքան ձեզ հիմա թվում է։ Հնարավոր է՝ ձեր նկատմամբ հոգատարությունն է նրանց այդպիսին դարձրել։ Նրանց քննադատելու փոխարեն սկսե՛ք ձեզնից։

Կանոն 8. Հնարավոր է՝ ձեր դպրոցում ճիշտ չէ անհաջողակին հենց անհաջողակ անվանելը, բայց կյանքում այդպես չէ։ Որոշ դպրոցներում արդեն երկրորդ տարին նույն դասարանում սովորելը հնարավոր չէ. քննությունները վերահանձնելու այնքան հնարավորություններ են տրված, որքան հարկավոր է հաջորդ դասարան փոխադրվելու համար։ Կյանքում ամեն ինչ այլ կերպ է։

Կանոն 9. Կյանքը կիսամյակների չի բաժանվում։ Դուք ամառային արձակուրդներ չեք ունենալու, իսկ ձեր գործատուն չի օգնելու ձեզ գտնելու ինքներդ ձեզ. դուք դա ինքնուրույն պետք է անեք ազատ ժամանակ։

Կանոն 10. Հեռուստացույցով իրական կյանքը չեն ցուցադրում։ Իրականում հնարավոր չէ ողջ օրը սրճարանում նստել և շատախոսել ընկերների հետ։

Կանոն 11. Բարեհամբու՛յր եղեք ակնոցավոր լավ սովորողների  հետ. նրանցից մեկը կարող է ձեր ղեկավարը լինել ավարտելուց հետո։

Youandworld.am

Կարող եք բաժանորդագրվել մեր հոդվածներին: Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

0 Մեկնաբանություն



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



If you decide to buy essay online on our website. . custom writing paper . Кино Новинки HD This site is protected by WP-CopyRightPro