Advertisement


Հաջողության բանաձև

2012/07/20

Հաջողության 5 դաս բնությունից

5 դաս բնությունից

1. Առաջին դասը կարող ենք սովորել փայտփորիկից։ Այն կոչվում է «իրատեսական կենտրոնացում»։

Շատ բաներում այս թռչունն ավելի խելացի է, քան մենք։ Այո, նա անընդհատ փորում է ծառի բունը, բայց դա շատ լավ է ստացվում նրա մոտ։ Նա իրատես է. չի փորձում ջարդել ծառը մեկ հարվածով, ինչպես անում են մեզնից շատերը։ Նա կենտրոնանում է, չի հարվածում ծառին բոլոր կողմերից, այլ կանտրոնացած հարվածում է միևնույն կետին՝ դանդաղորեն շարժվելով դեպի իր որդը։ Բայց մեզ որդ չէ հարկավոր, այլ միանգամից մի ամբողջ օձ, իսկ մենք այն ուզում ենք գտնել ոչ թե հաստ ծառի բնում, այլ հողի վրա՝ տերևների տակ։

2. Հաջողության երկրորդ դասը կարող ենք քաղել ձկներից։ Այն կոչվում է «հոսքի դաս»։

Ձկները միշտ հոսանքին և ընդհանուր կարծիքին հակառակ են լողում։ Նրանք դա անում են ոչ թե իրենց կյանքը բարդացնելու, այլ ջրից ավելի շատ թթվածին և սնունդ ստանալու համար։ Իսկ մենք, ի տարբերություն ձկների, փորձում ենք անընդհատ լողալ հոսանքի ուղղությամբ. մենք չենք ուզում դուրս գալ հարմարավետության շրջանակից և զարմանում ենք՝ ինչու են կյանքում հնարավորություններն այդքան քիչ լինում։ Մենք ուզում ենք շահել կյանքի խաղարկությունում՝ առանց նույնիսկ դրա համար տոմս գնելու։

3. Հաջողության հասնելու երրորդ դասը կարող ենք քաղել փոքրիկ առյուծներից։ Դասը կոչվում է «արյունոտ մռութ»։

Նրանք գիտեն սովորել. սովորում են փորձառու առյուծներից։ Բայց նրանք սովորում են ոչ թե դասագրքերով, այլ գործ անելով։ Նրանք լավ գիտեն, որ որս անելու համար պետք է արյունոտեն մռութները։ Իսկ մենք վախենում ենք նույնիսկ ձեռքերը կեղտոտելուց. մենք փակվում ենք տանը և սկսում ինքնուրույն սովորել։ Իսկ երբ գալիս է որսի ժամանակը, մենք ոչ միայն որս անել չենք կարողանում, այլ նաև վախենում ենք արյան հոտից։

4. Հաջողության չորրորդ դասը կարող ենք սովորել շնից։ Դասը սոցիալական է և կոչվում է «առաջինը թափահարել պոչը»։

Մեր դարաշրջանում արդեն կարևոր չէ՝ ինչ ես անում, կարևոր է այն, որ մոտիվացնում ես այլ մարդկանց։ Այստեղ  լավագույն օրինակը շունն է։ Շունը չի մտածում. «Սկզբում դու ինձ տո՛ւն տար, կերակրի՛ր, լողացրո՛ւ, իսկ հետո ես կթափահարեմ պոչս՝ ի նշան երախտագիտության»։ Շունն առաջինն է կիսվում իր զգացմունքներով և հետո միայն ստանում այն, ինչ իրեն պետք է։ Ընդ որում՝ նա մեզ չի ստիպում իրեն ինչ-որ բան տալ, այլ այնպես է անում, որ մենք ինքներս ենք ուզում դա անել։

5. Հինգերորդ դասն օձից է, կոչվում է «պետք չէ նվնվալ»։

Օձը չի մտածում. «Ես ո՛չ ձեռքեր ունեմ, ո՛չ ոտքեր, տեսողությունս վատ է, ծնվել եմ ոչ այն երկրում, որում պետք էր, ինձ ոչ ոք չի սիրում, ծնողներս իմ մասին հոգ չեն տարել»։ Նա բավարարվում է այն ամենով, ինչ ունի, իսկ մենք նույնիսկ վախենում ենք նրանից։ Իսկ եթե նրան ինչ-որ բան դուր չի գալիս, նա պարզապես փոխում է կաշին ու սողում է առաջ՝ առանց զղջալու։

Youandworld.am

Կարող եք բաժանորդագրվել մեր հոդվածներին: Կարող եք հավանել նաև մեր ֆեյսբուքյան էջը` Youandworld.am, և տեղեկանալ կայքի թարմացումներին:






Թողնել մեկնաբանություն

0 Մեկնաբանություն



Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>



. Кино Новинки HD This site is protected by WP-CopyRightPro