Չառլի Չապլինի նամակը դստերը

«Դստրի՛կս, Հիմա գիշեր է: Ծննդյան գիշեր: Իմ փոքրիկ ամրոցի բոլոր անզեն պահապանները քնել են: Քնած են և եղբայրդ ու քույրդ: Նույնիսկ մայրդ արդեն քնել է: Ես քիչ մնաց արթնացնեի այդ նիրհող թռչնակներին, մինչև կհասնեի իմ այս աղոտ լուսավորված սենյակը: Ինչքա՜ն հեռու եմ քեզանից, բայց թող կուրանան աչքերս, թե քո պատկերը թեկուզ մի ակնթարթ հեռանում է աչքիս առաջից: Նա այնտեղ է`իմ սեղանին, այստեղ` սրտիս մեջ: Այդտեղ՝ հեքիաթային Փարիզում, դու պարում ես փառահեղ թատրոնի բեմահարթակի վրա`Ելիսեյան դաշտերում: Ես դա լավ գիտեմ, և ինձ թվում է՝ գիշերվա այս լռության մեջ լսում եմ քո քայլերը, տեսնում եմ քո աչքերը, որ փայլում են, ինչպես աստղերը ձմեռային գիշերում: Ես լսել եմ, որ դու այդ տոնական ու շողշողուն ներկայացման մեջ կատարում ես պարսկական գեղեցկուհու դերը, որը գերված է թաթարական խանից: Գեղեցկուհի՛ եղիր և պարի՛ր, ա՛ստղ եղիր և փայլի՛ր, բայց եթե հանդիսատեսի ցնծությունն ու շնորհակալության խոսքերն արբեցնեն քեզ, եթե գլուխդ պտույտ գա քեզ ընծայված ծաղիկների բույրից, ապա քաշվի՛ր մի անկյուն և կարդա՛ իմ նամակը, ունկնդի՛ր եղիր հորդ ձայնին. Ես քո հա՛յրն եմ, Ջերալդի՜նա: Ես՝ Չառլին՝ Չառլի Չապլինը: Գիտե՞ս, թե քանի գիշերներ եմ անցկացրել քո մահճակալի մոտ, երբ դու փոքր էիր. քեզ հեքիաթներ էի պատմում և՛ քնած գեղեցկուհու, և՛ մշտարթուն վիշապի մասին… Իսկ երբ քունը իջնում էր իմ ծերացող աչքերին, ես ծիծաղում էի նրա վրա ու ասում. «Հեռացի՛ր, իմ քունը իմ աղջկա երազանքներն են»: Ես տեսնում էի քո այդ երազանքները, Ջերալդի՛նա, տեսնում էի քո ապագան, քո այսօրը: Ես տեսնում էի բեմահարթակի վրա խաղացող մի աղջկա, երկնքում ճախրող մի փերու: Լսում էի՝ ինչպես մարդիկ ասում են. «Տեսնու՞մ եք այս օրիորդին: Սա այն ծեր ծաղրածուի աղջիկն է: Հիշու՞մ եք՝ ինչ էր նրա անունը` Չառլի»: Այսօր հերթը քոնն է: Պարի՛ր: Ես պարում էի լայն պատառոտված անդրավարտիքով, իսկ դու պարում ես արքայադստեր մետաքսյա հագուստով: Այդ պարերն ու ծափահարությունների որոտը քեզ երկինք կհանեն: Բարձրացի՛ր: Բարձրացի՛ր այնտեղ, աղջի՜կս, բայց և վերադարձիր երկիր. դու պետք է տեսնես՝ ինչպես են ապրում մարդիկ, ինչպես են ապրում այն ծայրամասերի փողոցի պարուհիները: Նրանք պարում են՝ ցրտից և սովից դողալով: Ես այնպիսին եմ եղել, ինչպիսին նրանք են, Ջերալդի՛նա: Այն գիշերները, այն կախարդական գիշերները, երբ դու քնում էիր` օրորվելով իմ հեքիաթներից, ես չէի քնում: Ես նայում էի քո դեմքին, լսում էի քո սրտի զարկերը և ինձ հարց էի տալիս. «Չա՛ռլի, միթե՞ այս փիսիկը կճանաչի քեզ երբևէ»: Դու ինձ չես ճանաչում, Ջերալդի՛նա… Ես շա՜տ հեքիաթներ եմ պատմել քեզ այն երկար գիշերներին, բայց իմը՝ իմ հեքիաթը, չեմ պատմել: Իսկ դա նույպես հետաքրքիր է: Հեքիաթ` քաղցած ծաղրածուի մասին, որ պարում ու երգում էր Լոնդոնի աղքատ թաղամասերում, իսկ ապա… ողորմածություն հայցում… ... Ես պիտի մեռնեմ, բայց դու պիտի ապրես… Ես ուզում էի, որ դու երբեք չիմանայիր` ինչ բան է աղքատությունը: Այս նամակի հետ քեզ ուղարկում եմ չլրացված դրամական չեկ, որպեսզի դու կարողանաս ծախսել այնքան, որքան ցանկանում ես: Բայց երբ ծախսես երկու ֆրանկ, մի՛ մոռացիր հիշեցնել քեզ, որ երրորդը քոնը չէ. դա պետք է պատկանի այն անծանոթին, որն ունի դրա կարիքը: Իսկ դու հեշտությամբ կգտնես այդպիսի մեկին: Ես քեզ հետ խոսում եմ փողի մասին, որովհետև գիտեմ նրա դիվային ուժը: Գիտե՞ս՝ ես շատ ժամանակ եմ անցկացրել կրկեսում և միշտ երկյուղ եմ զգացել լարախաղացների համար: Բայց պետք է քեզ, աղջի՛կս, ասեմ մի ճշմարտություն. մարդիկ գետնի վրա ավելի՛ անհաստատ են, քան լարախաղացները` երերուն լարի վրա: Գուցե կարող է պատահել այս երեկո քեզ կուրացնի մի թանկագին ադամանդի փայլ. հենց դա էլ կլինի քո անհուսալի պարանը, և քո անկումն անխուսափելի է: Կարող է պատահել մի գեղեցիկ օր գերվես ինչ-որ արքայազնի գեղեցկությամբ. այդ պահին դու կդառնաս մի անփորձ լարախաղաց, իսկ անփորձները միշտ ընկնում են: Մի՛ վաճառիր սիրտդ ոսկով ու զարդարանքներով, գիտեցի՛ր, որ ամենամեծ ադամանդն արևն է: Բարեբախտաբար նա լուսավորում է բոլորին: Եվ երբ մի գեղեցիկ օր սիրահարվես մեկնումեկին, ապա նվիրվի՛ր նրան մինչև վերջ: Ես ասել եմ մորդ, որ նա գրի քեզ այդ մասին: Նա սերը ավելի լավ գիտե, քան ես. նրան ավելի վայել է խոսել այդ մասին… ... Ես գիտեմ, որ հայրերի և որդիների միջև գնում է հավերժական մենամարտ: Ի՛նձ հետ, իմ մտքերի՛ հետ կռվիր, աղջի՛կս: Ես չեմ սիրում հնազանդ երեխաներ, և քանի դեռ աչքերիցս արցունքներ չեն կաթել այս տողերի վրա, ուզում եմ հավատալ՝ ծննդյան այս գիշերը հրաշալիքների գիշեր է: Ես կցանկանայի, որ հրաշք կատարվեր, որ դու իսկապես հասկանայիր այն բոլորը, ինչ ցանկացա ասել քեզ: … Ես չեմ եղել հրեշտակ, բայց որքան կարողացել եմ, ձգտել եմ մա՛րդ լինել: Փորձիր և դո՛ւ: Համբուրում եմ քեզ: ՉԱՌԼԻ»


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Կյանքի 18 կանոն. Դալայ Լամա

1. Ուշադրությո՛ւն դարձրեք այն փաստի վրա, որ մեծ սերն ու մեծ հաջողությունները կապված են մեծ ռիսկի հետ։
2. Երբ պարտվում եք, չեք կորցնում կուտակած փորձը։
3. Մշտապես հետևե՛ք երեք կանոններին. ա. հարգե՛ք ձեզ, բ. հարգե՛ք ուրիշներին, գ. մի՛ խուսափեք պատասխանտվություն կրելուց ձեր արարքների համար։
4. Հիշե՛ք՝ ձեզ ոչ միշտ է հարկավոր այն, ինչ ուզում եք։
5. Սովորե՛ք կանոններ, որ իմանաք՝ ինչպես դրանք խախտել։
6. Թույլ մի՛ տվեք, որ փոքրիկ վեճը կործանի մեծ բարեկամությունը։
7. Եթե սխալվել եք, անմիջապես ամեն ինչ արե՛ք սխալն ուղղելու համար։
8. Երբեմն պետք է ինքներդ ձեզ հետ մենակ մնալ, ինքներդ ձեզ լսել։
9. Ձեզ ազա՛տ զգացեք, բայց մի՛ անցեք սահմանը։
10. Հիշե՛ք՝ երբեմն լռությունը լավագույն պատասխանն է։
11. Ձեզ արժանի կյանքո՛վ ապրեք, որ ծերության տարիներին բան ունենաք հիշելու։
12. Սիրով լի մթնոլորտը ձեր կյանքի հիմքն է։
13. Վեճերի ժամանակ խոսեք միայն ներկայի մասին, մի՛ հիշեք անցյալը։
14. Կիսվե՛ք ձեր գիտելիքներով. սա անմահանալու միջոց է։
15. Հոգատա՛ր եղեք Երկրի նկատմամբ, սիրե՛ք այն։
16. Տարվա ընթացքում մեկ անգամ մեկնե՛ք այնտեղ, որտեղ դեռ չեք եղել։
17. Հիշե՛ք՝ լավագույն հարաբերությունները նրանք են, որոնցում կողմերից յուրաքանչյուրը, ում հետ էլ որ լինի, հիշում է մյուսին։
18. Երբեմն պետք է հրաժարվել նրանից, ինչ ուզում եք՝ այն ստանալու համար։


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Ղեկավարման 11 գաղտնիքներ

Բոլորս էլ գիտենք, որ ոչ բոլորը կարող են դառանալ լավ ղեկավար: Վերջինս առանձնանում է որոշակի հատկանիշներով և վարքագծով, որն էլ նրան դարձնում է ղեկավար: Ներկայացնում ենք Նապոլեոն Հիլլի կողմից դրանց բնորոշումը: Ղեկավարման կարևորագույն առանձնահատկություններն են`
1. համարձակություն և վճռականություն. նրանք խարսխվում են սեփական գիտելիքների և այն գործի վրա, որին նվիրել են իրենց կյանքը: Ոչ մի կատարող անձ չէր ցանկանա աշխատել ոչ այնքան համարձակ առաջնորդի ղեկավարությամբ: Ոչ մի խելամիտ աշխատող անձ երկար չէր հանդուրժի այդպիսի ղեկավարի:
2. ինքնավերահսկում. իրեն չվերահսկող անձը չի կարող վերահսկել և ուրիշներին: Ինքնավերահսկումը աշխատողների գնահատման հիանալի ցուցանիշ է, իսկ աշխատողները իրենց հասկացողության չափով ձգտում են ընդօրինակել ղեկավարին:
3. արդարության սուր զգացում. չտիրապետելով դրան`ղեկավարը զրկվում է ենթակաների հարգանքից և կորցնում է նրանց հրամայելու բարոյական իրավունքը:
4. որոշումների հստակություն. իր որոշումներում տատանվող մարդը անվստահություն է ներշնչում իր հանդեպ, հետևաբար նա չի կարող արդյունավետ ղեկավարել:
5. պլանների պարզություն. հաջողակ ղեկավարը պլանավորում է իր աշխատանքը և աշխատում է պլանների վրա: Առանց հստակ, գործնականում իրագործելի պլանների աշխատող, բախտին ապավինած ղեկավարը, լողում է հոսանքի ուղղությամբ, ինչպես առագանաստավը առանց առագաստների ու ղեկավարի. վաղ թե ուշ նա կբախվի ժայռերին:
6. արտաժամյա աշխատելու սովորություն. ղեկավարի կողմից կամավոր ստանձնած պարտավորություններից մեկը պետք է լինի`ավելի շատ աշխատել, քան պահանջում է իր աշխատողներից:
7. անձի գրվաչություն. անտարբերությունն ու թափթփվածությունը երբեք Ձեզ չեն հասցնի հաջողության: Առաջնորդությունը պահանջում է հարգանք սեփական անձի նկատմամբ: Իրեն և իր հեղինակությանը չհետևող ղեկավարին աշխատողները դադարում են հարգել:
8. ապրումակցում (էմպատիա) և ըմբռնում. հաջողակ ղեկավարն ապրումակցում է, քաջալերում իր ենթականերին և միշտ կարող է համաձայնության գալ նրանց հետ: Ավելին, նա պետք է հասկանա նրանց խնդիրները:
9. նյութի և իրավիճակի կատարյալ իմացություն. ղեկավարը գիտի գործը, ինչպես իր հինգ մատները:
10. ողջ պատասխանատվությունը իր վրա վերցնելու պատրաստակամություն. հաջողակ ղեկավարը միշտ պետք է պատրաստ լինի վերցնելու իր վրա ենթակաների սխալներն ու բացթողումները: Նա, ով փորձում է պատասխանատվությունը թողնել ուրիշի վրա, երկար չի մնում պաշտոնում: Եթե ենթականերից մեկը սխալ է թույլ տալիս կամ չի կարողանում ինչ-որ բան կատարել, ղեկավարը պետք է համարի, որ դա իր թերացումն է:
11. համգործակցություն. ղեկավարը պետք է հստակ հասկանա և կիրառի համատեղ ջանքերի սկզբունքը ենթակաների հետ հարաբերություններում`դաստիարակելով համգործակցելու ընդունակություներ: Ղեկավարման եռանդ ու կորով է հարկավոր, իսկ այն տալիս է համագործակցությունը:
Զարգացրե´ք այս հատկանիշները Ձեր մեջ և Դուք կդառնաք ղեկավար, ում հարգում, վստահում և հավատում են: Իսկ վերջիններս մեծ հաջողությունների կհասցնեն Ձեր թիմին


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

Դատողություն.առակ

Գյուղում մի ծերունի էր ապրում: Նա շատ աղքատ էր, բայց նույնիսկ թագավորները նախանձում էին նրան, որովհետև նա սքանչելի մի սպիտակ ձի ուներ: Թագավորները նրան շատ մեծ գին էին տալիս, բայց ծերունին միշտ ասում էր.
-Այս ձին ինձ համար ձի չէ: Նա անձ է: Ես ինչպես կարող եմ վաճառել անձը, վաճառել ընկերոջը:
Ծերունին աղքատ էր, բայց ձին չէր ծախում: Մի անգամ նա տեսավ, որ ձին մսուրում չէ: Ամբողջ գյուղը հավաքվեց ու մարդիկ ասացին.
-Դու հիմար ծերուկ ես : Մենք գիտենք, որ մի օր այդպես էլ լինելու էր: Ավելի լավ կլինի ձին վաճառեիր: Ա´յ քեզ դժբախտություն: -Այդպես ասելով շատ հեռուն մի գնացեք: Պարզապես ասեք, որ ձին տեղում չէ,-պատասխանեց նրանց ծերունին:- Փաստը դա է, մնացածը դատողություն է: Ինչ էլ որ եղած լինի` դժբախտություն է, թե օրհնություն, ես չգիտեմ, որովհետև դա ընդամենը դրվագ է: Ով գիտի, թե հետո ինչ է լինելու: Մարդիկ ծիծաղում էին ծերուկի վրա, բայց ընդամենը 15 օր անց` գիշերը ձին վերադարձավ: Ձին չէին գողացել նա պարզապես փախել էր դեպի ազատություն և հիմա նույնիսկ իր հետ մի դյուժին ձի էր բերել: Մարդիկ դարձյալ հավաքվեցին ու ասացին.
-Ծերուկ դու ճիշտ էիր: Սա դժբախտություն չէր, այլ օրհնություն էր:
-Դուք դարձյալ հեռուն եք գնում: Պարզապես ասացեք, որ ձին վերադարձել է, ով գիտե՝ սա օրհնություն է, թե ոչ: Դա ընդամենը դրվագ է: Դուք արտահայտության մեջ ընդամենը մի բառ եք կարդացել, ինչպես կարող եք դատել ամբողջ գրքի մասին:
Ծերունին ընդամենը մինուճար մի որդի ուներ: Նա սկսեց հեծնել, քշել ու վարժեցնել ձիերին: Ընդամենը մի շաբաթ անց նա ընկավ ձիուց ու ջարդեց երկու ոտքերը: Մարդիկ նորից հավաքվեցին դատողություն անելու.
-Դու դարձյալ ապացուցերցիր քո իրավացիությունը: Սա դժբախտություն է: Քո միակ որդին կորցրել է իր զույգ ոտքերը, իսկ այս տարիքում նա քո միակ ապավենն է:
-Դուք պարզապես դատելու մոլուցքով եք բռնված: Այդքան հեռու մի գնացեք: Ասացեք միայն, որ տղաս կոտրել է իր ոտքերը:Կյանքը կտորներվ է գալիս, իսկ ավելին մեզ տրված չէ:
Այնպես եղավ, որ մի քանի շաբաթ անց պատերազմ սկսվեց, ու բոլոր պատանիները գնացին բանակ: Ամբողջ գյուղը գոռում ու լալիս էր, որովհետև նրանք գիտեին, որ երիտասարդների մեծամասնությունը չի վերադառնա: Նրանք եկան ծերունու մոտ ու ասացին.
-Դու ճիշտ ես ծերուկ. հիմա ակնհայտ է, որ դա օրհնություն էր: Չնայած քո որդին հաշմանդամ է, բայց նա քեզ հետ է, իսկ մեր որդիները գնացին ընդմիշտ: Ծերունին ասաց.
-Դուք շարունակում եք դատել: Ոչ ոք դա չգիտի: Միայն ասացեք, որ ձեր որդիները պիտանի են բանակի համար, իսկ իմը` ոչ: Միայն Աստված` Բացարձակը գիտի` դա դժբախտություն է, թե օրհնություն:
Քանի դեռ դուք դատում եք, դուք չեք աճում, չեք զարգանում: Դատողությունը նշանակում է մտքի քարացած վիճակ: Եվ միտքը մշտապես դատողություն է պահանջում, քանի որ զարգացման գործընթացում լինելը մշտապես ռիսկի հետ է կապված և անհարմար է: Իրականում ճանապարհորդությունը երբեք չի ավարտվում: Մի մասն ավարտվում է, բայց դրա փոխարեն սկսվում է մյուսը, մի դուռը փակվում է, մյուսը` բացվում: Դուք հասնում եք գագաթին, բայց հայտնվում է ուրիշը` ավելի բարձրը: Կյանքը անվերջ ճանապարհորդություն է:


Կայքի գլխավոր հովանավորը SUNNY SCHOOL/Սանի սքուլ ուսումնական կենտրոնն է, որը կազմակերպում է WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։ Մանրամասների համար զանգահարել 0 95 09-08-00 կամ 0 98 07-38-83 հեռախոսահամարներով:
Ֆեյսբուքյան էջ

ՍԱՆԻ ՍՔՈՒԼ

SUNNY SCHOOL/Սանի սքուլ ուսումնական կենտրոնն անցկացնում է բարձրակարգ WEB Design և WEB Programming-ի, ԱՆԳԼԵՐԵՆԻ, ՌՈՒՍԵՐԵՆԻ, TOEFL-Ի, IELTS-Ի ԵՎ GRE-ի դասընթացներ։

ՆՈՒՄԵՐՈՒՍ ՍԻՍՏԵՄ

Բարձրորակ, բազմաֆունկցիոնալ կայքերի պատրաստում և որակյալ սպասարկում` Նումերուս սիստեմ/Numerus System միջազգային ընկերության կողմից: