Հաջողության բանաձև

Պիգմալիոնի կամ Ռոզենտալի էֆեկտ

Պիգմալիոնի Ռոզենտալի էֆեկտ
November 24 , 2019 | Youandworld | 0 Մեկնաբանություն

Համաձայն հին հունական առասպելաբանության` Պիգմալիոնըեղել է Կիպրոսիարքան և քանդակագործ, ով ըստ ավանդության` կերտել է այնպիսի հիասքանչ քանդակ, որ սիրահարվել է նրավրա և աղոթել է աստվածներին, որպեսզի կենդանացնեն նրան: Ամերիկացի հոգեբան Ռոզենտալը (1966 թ.) Պիգմալիոնի էֆեկտ է անվանել այն երևույթը, որ մարդը, խիստ համոզված լինելով ինչ-որ տեղեկատվության հավաստիության մեջ, իր կամքից անկախ գործում է այնպես, որ ստանում է փաստացի հաստատում: Պիգմալիոնի էֆեկտի գոյությունը (արդարացվող սպասումների հոգեբանական երևույթը) առաջին անգամ ապացուցվել է դպրոցական դասարանում: Փորձի ժամանակ, որը հետագայում դարձավ դասական, ուսուցիչներին ասվել էր, որ իրենց աշակերտների մեջ կան և՛ շատ ընդունակ, և՛ շատ անընդունակ աշակերտներ: Իրականում 2 խմբերի միջև ոչ մի տարբերություն չկար, և սովորողների ընդունակությունների մակարդակը գրեթե նույն էր: Սակայն ուսուցիչների սպասումները կապված աշակերտների հետ տարբեր էին: Արդյունքում իբր թե ավելի ընդունակ սովորողների խումբը անանուն թեստավորման ժամանակ ստացել էր ավելի բարձր գնահատականներ, քան «քիչ» ընդունակ սովորողների խումբը: Ուսուցիչների սպասումները ինչ-որ անբացատրելի ձևով փոխանցվել էին աշակերտներին և ազդել էին նրանց իրական ակադեմիական հաջողության վրա: Մարդկային ռեսուրսների կառավարման պրակտիկայում Պիգմալիոնի էֆեկտը դրսևորվում է նրանում, որ ղեկավարների սպասումները կապված աշխատանքի արդյունքների հետ կարող են ազդել հենց այդ արդյունքների վրա: Այսպես, գոյություն ունի միտում, ըստ որի իրենց ենթականերին բարձր գնահատող և նրանցից լավ արդյունքներ սպասող ղեկավարները ստանում են ավելի բարձր արդյունքներ: Իսկ այն ղեկավարները, որոնք իրենց ենթականերին համարումեն ծույլև բթամիտ, այսինքն ի սկզբանե տրամադրված են վատ արդյունքների, ստանում են հենց այդպիսի արդյունքներ: Այն, որ անձնակազմի աշխատանքի հետ կապված սպասումները սովորություն ունեն իրականանալու շատ հետազոտողների կողմից է ապացուցվել: Այդ երևույթը ավելի վառ դրսևորվում է տղամարդկանց կոլեկտիվում (մասնավոր կոլեկտիվ, բանակ), քան կանանց, և արտակարգ բնորոշ է այն աշխատողներին, որոնց հետ ոչ միայն մենջմենթը չի կապում ոչ մի հույս, այլև հենց իրենք իրենց հետ հույս չեն կապում: Նրանց աշխատանքի արտադրողականությունը սովորաբար համապատասխանում է բացասական սպասումներին:

Եթե հավանեցիք կիսվեք Ձեր ընկերների հետ


SUNNY SCHOOL ՍԱՆԻ ՍՔՈՒԼԸ ԿԱԶՄԱԿԵՐՊՈՒՄ Է ԱՆԳԼԵՐԵՆԻ ԵՎ ՎԵԲ ԾՐԱԳՐԱՎՈՐՄԱՆ ԽՈՐԱՑՎԱԾ ԴԱՍԸՆԹԱՑՆԵՐ: Հեռ՝ 0 95 09-08-00:

NUMERUS SYSTEM Բարձրորակ, բազմաֆունկցիոնալ կայքերի պատրաստում և որակյալ սպասարկում: Հեռ՝ 0 44 73-75-77



Հոդվածներ


Մեկնաբանություն 0

Թողնել մեկնաբանություն