Կայքի գլխավոր հովանավորը «Sunny School»-ուսումնական կենտրոնն է
ԱՎԵԼԻՆ...

Հաջողության բանաձև

Աբրահամ Լինքոլնի նամակն իր որդու ուսուցչին

March 30 , 2020 | Youandworld | 0 Մեկնաբանություն

Ես հասկանում եմ, որ նա պետք է իմանա, որ ոչ բոլոր մարդիկ են արդար, ոչ բոլորն են անկեղծ: Բայց սովորեցրեք նրան, որ եթե կա սրիկա, կա նաև հերոս, եթե կա եսասեր քաղաքական գործիչ, կա նաև նվիրյալ առաջնորդ: Սովորեցրեք նրան այն, որ եթե կա թշնամի, ապա կգտնվի և ընկեր:

Նրան սովորեցրեք, որ վաստակած մեկ դոլարն ավելի արժեքավոր է, քան գտած հինգ դոլարը:

Հեռավար «Անգլերենի» դասընթացներ «Sunny School»-ում
ԱՎԵԼԻՆ...

Սովորեցրեք նրան խաղալ, ինչպես նաև՝ վայելել հաղթանակները: Եթե կարող եք՝ նրան հեռու պահեք նախանձից, սովորեցրեք մեղմ ծիծաղելու գաղտնիքը: Թույլ տվեք, որպեսզի նա շուտ հասկանա, որ զոռբաներին հաճոյանալը ամենահեշտ բանն է:

Եթե կարող եք՝ սովորեցրեք նրան հետաքրքրվել գրքերով…Եվ տվեք նրան նաև ազատ ժամանակ, որպեսզի նա կարողանա խորհել հավերժական գաղտնիքների՝ երկնքում ճախրող թռչունների, արևի շողերի մեջ երևացող մեղուների և բլուրի կանաչ ստորոտի ծաղիկների մասին:

Երբ նա դպրոցում լինի, նրան նաև սովորեցրեք, որ շատ ավելի պատվաբեր է համբերատար տանել անհաջողությունը, քան խաբել: Սովորեցրեք նրան վստահել սեփական գաղափարներին, եթե անգամ կողքիններն ասեն, որ սխալվում է:

ԱՆԳԼԵՐԵՆԻ ԱՆՎՃԱՐ ԹԵՍՏ
ԱՎԵԼԻՆ...

Սովորեցրեք նրան մեղմ լինել մեղմ մարդկանց հետ և լինել դաժան՝ դաժանների հետ: Փորձեք իմ տղային ուժ փոխանցել, որպեսզի նա չտրվի և չհետևի հաղթողի կողմն անցած ամբոխին…

Սովորեցրեք նրան, որպեսզի լսի բոլոր մարդկանց, միայն թե սովորեցրեք նաև, որ իր լսածը ճշմարտության տեսանկյունից դիտարկի և վերցնի միայն լավը:

Եթե կարող եք՝ սովորեցրեք ժպտալ տխրության պահերին: Սովորեցրեք նրան, որ արտասվելը ամոթ չէ: Նրան ցինիկներին ծաղրել սովորեցրեք, ինչպես նաև՝ խույս տալ մարդահաճությունից:

ՆՈՒՄԵՐՈՒՍ ՍԻՍՏԵՄ
ԿԱՅՔԵՐԻ ՊԱՏՐԱՍՏՈՒՄ
ԱՎԵԼԻՆ..

Սովորեցրեք նրան իր ուղեղն ու մկանների ուժը վաճառել ամենաբարձր գնով, բայց երբեք վաճառքի չհանել ոչ սիրտը, ոչ էլ հոգին:

Սովորեցրեք նրան չլսել ոռնացող ամբոխին, բայց նաև սովորեցրեք կանգնել ու պայքարել, եթե կարծում է, որ ինքը ճիշտ է:

Նրա հանդեպ մեղմ վարվեք, բայց առանց ավելորդ քնքշության, որովհետև միայն կրակի միջով անցնելու փորձությունից հետո են բացահայտվում պողպատի լավագույն հատկանիշները:

Թույլ տվեք, որպեսզի նա քաջ լինի, որպեսզի դառնա անհանդուրժող վատ բաների հանդեպ: Թույլ տվեք, որ նա համբերատար լինի, որպեսզի դառնա խիզախ:

Սովորեցրեք, որ նա միշտ ինքն իրեն հավատա, որովհետև այդ դեպքում նա միշտ հավատ կունենա մարդկության հանդեպ:

Բաժանորդագրվեք և ստացեք նոր հոդվածների հղումները


Հոդվածներ

Մտածելակերպի 10 փոփոխություն

Փոխելով ձեր մտածելակերպը՝ կարող եք փոխել ձեր կյանքը։ Ահա 10 բան, որ պետք է փոխել ձեր կյանքը ավելի լավը դարձնելու համար։ Սխալվելու վախը։ Փորձի՛ր, դու կարող ես։ Արա այն, ինչ կարող ե...

Շարունակել կարդալ

Երջանիկ լինելու 10 սկզբունք

Երջանկության 10 պարզ սկզբունք , որոնք Ձեզ կօգնեն ավելի երջանիկ լինել: 1. Դադարեք խղճալ ինքներդ ձեզ: Խղճահարությունը սեփական անձի հ...

Շարունակել կարդալ

Ազնավուրը Ազնավուրի մասին

Իմ ճանապարհը հեշտ ու հանգիստ չի եղել: Շատ դառնություններ եմ ճաշակել այդ ճանապարհին՝ երեսիս փակված դռներ, հեգնանքով ու արհամարհանքով լի ժպիտներ, կատակի տակ քողարկված չարախոսություններ. «Մի՛ համառեք», «...

Շարունակել կարդալ

Բիլ Գեյթս. հաջողության բանաձև

Ուիլյամ Հենրի Գեյթսը ծնվել է Սիեթլում 1955 թվականին։ Նա աշխարհին հայտնի է որպես ամենահարուստ մարդկանցից մեկը, որն իր կարողությունը սեփական ուղեղով է վաստակել։ Այնինչ հաջողություն...

Շարունակել կարդալ