Կայքի գլխավոր հովանավորը «Sunny School»-ուսումնական կենտրոնն է
ԱՎԵԼԻՆ...

ԵՐԲ ԱՉՔԵՐՆ ԵՆ ՍԱՌՈՒՄ...

April 05 , 2020

Մենակություն բառից դողդողում է օդը իմ սենյակի:
Ու ես հասկանում եմ,
Որ աչքերն են մարդու ամենաթաց տեղը...

...Երբ աչքերն են սառում՝
Ասում են, թե՝ ա՛յ-ա՛յ՝ մարդ է գալու:
Բայց դա եթե սուտ չէ,
Ապա բարություն է,
Որ ծնվել է միայն խեղճությունից:
Իմոնք էլ են սառում:
Սակայն դու չե՜ս գալու:

Հեռավար «Անգլերենի» դասընթացներ «Sunny School»-ում
ԱՎԵԼԻՆ...

Դու չե՜ս կարող: Գիտե՜մ:
Եվ օդը սենյակիս
Պիտի շարունակի մենակություն բառից անվերջ դողալ՝
Հարուցելով իմ մեջ այն միտքը հին,
Թե վիհերը գուցե նրա համար են լոկ,
Որ մարդ ներքև նետվի:

Իսկ թե վիհերն իրոք նրա համար են լոկ,
Որ մարդ ներքև նետվի՝
Այդ դեպքում ես
Ինչպե՞ս անեմ.
Կո՛ւժ չեմ,
Կուժկոտրո՜ւկ եմ.

Չե՛մ կոտըրվում, միայն փետըրվո՜ւմ եմ,
Եվ դրանից արդեն ես հոգնել եմ,
Ինչպես թուղթն է հոգնել իմ ջանքերից՝
Հեռվից-հեռու ասել քեզ երկու բառ,
Որ կարող է նո՛ւյնքան ինձ թարգմանել,
Որքան թարգմանում է ինքնաթիռին հավը...

Սուտ կա, որ ճիշտ արժե:
Ու ես հավատում եմ մեր հնարած ստին,
Թե չենք կորցնի իրար:

Վախ կա, որ մահ արժե:
Ու ես վախենում եմ, թե կհաղթի կյանքը,
Եվ կմնամ ցավի խեղճ պատմաբան միայն:

Հեռավար «ՎԵԲ ԾՐԱԳՐԱՎՈՐՄԱՆ» դասընթացներ «Sunny School»-ում
ԱՎԵԼԻՆ...

Ու, վերջապես, քայլ կա, որ հենց թռիչք արժե:
Եվ ինձ դուրս եմ քաշում իմ մտքերի միջից,
Ինչպես առողջ ակռան բերանից են քաշում:

Բայց հոգնել եմ արդեն
Եվ հոգնել եմ այնքան,
Որ չեմ զգում ոչի՜նչ,
Ցա՛վ չեմ զգում անգամ:

Ա՜յ թե հնար լիներ չզգալ նաև,
Որ աչքերն են մարդու ամենաթաց տեղը...

Բանաստեղծություններ

Բաժանորդագրվեք և ստացեք նոր հոդվածների հղումները


4 ՈՍԿԻ ԿԱՆՈՆՆԵՐ

Կյանքը շատ ավելի հեշտ կլիներ, եթե բոլորս ունենայինք որևէ գրություն, որը մեզ կօգներ ճիշտ գործել արտասովոր և բարդ իրավիճակներում։ 4 ոսկե կանոններ, որոնք երբեք չի կարելի խախտել։ Դուք երբեք չեք կարող ս...

Շարունակել կարդալ

Ասույթներ. Սողոմոն Իմաստուն

Նույնիսկ հիմարը կարող է իմաստուն երևալ, երբ լռում է։ Ողջախոհը կանխազգում է վտանգը և թաքնվում, իսկ անփորձներն առաջ են գնում և պատժվում։ Համբերատար լինելն ավելի լավ է, քան քաջ լինելը, ինքն իրեն տի...

Շարունակել կարդալ

Հաջողության ճանապարհը

Մենք բոլորս ուզում ենք լինել հաջողակ և վստահ: Մենք նայում ենք հաջողությամբ շողացող մարդկանց և մտածում ենք, թե ինչն է օգնում նրանց հասնել այ...

Շարունակել կարդալ