Գործարար աշխարհում հաջողակ ղեկավարի պահանջարկը մեծ է, սակայն անդրադառնանք ձախողված ղեկավարների տարածված սխալներին:
1. Մանրամասները կանխատեսելու անընդունակություն: Հաջողության ձգտող ղեկավարը պետք է խորամուխ լինի այն բոլոր մանրամասների մեջ, որոնք առնչվում են իր աշխատանքին: Անկասկած դա ենթադրում է ստորադասների ծառայությունից օգտվելու նրա կարողությունը:
Numerus System
Հավելվածների մշակում և սպասարկում:2. Աշխատանքի տարբերակում: Իսկական ղեկավարն ընդունակ է կատարելու ցանկացած՝ նույնիսկ ամենաանպատվաբեր աշխատանքը. նա պատրաստ է փոխարինելու իր աշխատակիցներից յուրաքանչյուրին:
3. Գնահատանքի սպասում միայն նրա համար, որ ինքը ղեկավար է: Ողջ աշխարհում վարձատրում են ոչ թե պաշտոնի կամ գիտելիքների, այլ դրանք գործադրելու համար:
4. Հետևորդների հետ մրցակցության վախ: Այն ղեկավարը, ով վախենում է իր հետևորդների հետ մրցակցությունից, փաստացի զիջում է առաջնությունը:
Տաղանդավոր և համարձակ ղեկավարը պատրաստում է իր աշխատակիցներին այնպես, որ նրանցից յուրաքանչյուրը կարողանա փոխարինել իրեն ցանկացած պահի: Որքան հմուտ լինի աշխատակիցը, այնքան մեծ կլինի ղեկավարի հեղինակությունը:
5. Երևակայության պակաս: Ղեկավարը, ով երևակայություն չունի, ընդունակ չէ ո՛չ նախագծեր ստեղծելու, ո՛չ էլ իրավիճակը սթափ գնահատելու և արդյունավետ ղեկավարելու:
6. Փառասիրություն: Ղեկավարը, ով իրեն է վերագրում ձեռնարկության հաջողությունները, պետք է պատրաստ լինի մենակ մնալու, որովհետև չգնահատված աշխատակիցները հաջողություն կփնտրեն ուրիշ տեղ:
7. Չափի զգացումի բացակայություն: Աշխատակիցները չեն հարգում այն ղեկավարին, ով չի կարողանում ինքն իրեն կառավարել: Բացի այդ՝ ինքնակառավարման բացակայությունը քայքայում է ղեկավարի անհատականությունը:
8. Անվստահելիություն: Ղեկավարը, ում չի կարելի վստահել, արհամարհանքի է արժանանում. անվստահելիությունը մարդկային բոլոր անհաջողությունների հիմքն է:
9. Ինքնիշխանություն: Արդյունավետ ղեկավարը չի կարող ինքնիշխան լինել: Իր իշխանությունը չարաշահող ղեկավարը համաձայնության գալու փոխարեն դիմում է ուժի իշխանությանը:
10. Տիտղոսամոլություն: Իսկական ղեկավարը համեստ է. նա վարում է համեստ գործարար կյանք և չի պարծենում իր դիրքով:
Բավական է ունենալ այս 10 թերություններից որևէ մեկը՝ անհաջողության մատնվելու համար:
