Հինգ խորհուրդ բոլոր նրանց, ովքեր ուզում են թողնել կարիերան ու սեփական բիզնեսով զբաղվել։ Խոսքն այն աշխատողների մասին է, ովքեր կորցնելու բան ունեն։
1. Բիզնեսում մի՛ ներգրավեք ընկերների և բարեկամների։ Որքան մեծ է աշխատող թիմը, այնքան մեծ է հավանականությունը, որ գործը գլուխ չի գա։ Բիզնեսի ամենամեծ թերությունը ներքին անհամաձայնություններն են. բոլորը խելացի են, յուրաքանչյուրն իր կարծիքն ունի և ամեն մեկը ճիշտ է յուրովի։ Երբ բիզնեսը դառնա եկամտաբեր, կսկսվեն վեճերը այն մասին, թե ով է ավելի շատ աշխատել. որքան շատ փող, այնքան շատ վեճեր։ Վերջաբանը տիպիկ է՝ ընկերության լուծարում։ Փորձե՛ք սահմանափակվել մեկ գործընկերով կամ առանց գործընկերների։ Նոր բիզնեսում մի՛ ներգրավեք ընկերներին. սա նրանց հետ հարաբերությունները փչացնելու լավագույն տարբերակն է։ Մի համագործակցեք նաև բարեկամների՛ հետ. խաբեությունն այդ դեպքում ավելի հիվանդագին կընդունեք։
Numerus System
Հավելվածների մշակում և սպասարկում:2. Վարկ մի՛ վերցրեք, մինչև ձեր բիզնեսն «ամուր չի կանգի երկու ոտքի վրա»։ Մեծ վարկով կարելի է հեշտությամբ «սպանել բիզնեսը»։ Երբեմն թվում է, թե «գործերն ուղղակի գերազանց են, և հարկավոր է վարկով մի պարկ փող վերցնել մ իվագոն փող «սարքելու» համար»։ Իհարկե բիզնեսն առանց վարկերի հնարավոր չէ պահել, բայց դա թույնի պես մի բան է՝ նպատակահարմար փոքր և մահացու մեծ չափաբաժիններով։
3. Պահո՛ւստ ունեցեք։ Սկսնակ բիզնեսմենները հաճախ սխալներ են գործում, որոնք սովորաբար մեծ կորուստների են բերում։ Այդ պատճառով դուք պետք է նյութական և բարոյական ամրության պաշար պետք է ունենաք՝ ընկնելու և բարձրանալու, նորից ընկնելու և նորից ոտքի կանգնելու համար։
4. Արդա՛ր եղեք։ Արդար լինելը ձեռնտու է. սկզբում դուք աշխատում եք՝ համբավ ձեռք բերելու համար, իսկ հետո այդ համբավն է աշխատում ձեր օգտին։ Ձեզ շրջապատող մարդիկ պետք է իմանան, որ դուք կարգուկանոն սիրող մարդ եք և որ հուսալի եք, ինչպես շվեյցարական բանկը։ Փորձե՛ք անընդհատ մեծացնել վստահությունը ձեր նկատմամբ։ Բարի համբավը բիզնեսում արդեն կապիտալ է։
5. Ժլատ մի՛ եղեք։ Ժլատությունը պետք է ձեր մեջ խեղդեք, հենց ձեր բիզնեսը դառնա եկամտաբեր, թե չէ ժլատությունը ձեզ «կխեղդի»։ Աշխատեք օգնել ուրիշներին, ինչով կարող եք, կարևորը, լո՛ւռ արեք դա։
Եթե արդեն սկսել եք ձեր սեփական գործը, կիսվեք մեզ հետ ձեր խորհուրդներով, իսկ եթե կարդալուց հետո ձեզ մոտ սեփական բիզնես սկսելու ցանկություն առաջացավ, հիշե՛ք, որ բիզնեսմենի առողջությունը ռիսկային խմբում է. նա գրաֆիկով չի աշխատում, գերլարված է ու ծանրաբեռնված։
