Դասախոսը կանգնած էր լսարանում, և նրա դիմաց որոշ իրեր էին դրված: Երբ դասը սկսվեց, նա լուռ բարձրացրեց մի մեծ ու դատարկ տարա և սկսեց այն լցնել թենիսի գնդակներով:
Հետո նա հարցրեց ուսանողներին, թե արդյոք տարան լիքն է: Ուսանողները ասացին, որ այն լիքն է:
Numerus System
Հավելվածների մշակում և սպասարկում:Հետո դասախոսը վերցրեց խճաքարերի մի տուփ և խճաքարերը լցրեց տարայի մեջ ու թեթևակի թափահարեց: Խճաքարերը լցվեցին թենիսի գնդակների միջև եղած ազատ տեղերը: Հետո նա նորից հարցրեց ուսանողներին, թե արդյոք տարան լիքն է: Ուսանողները համաձայեցին, որ լիքն է:
Այնուհետև դասախոսը վերցրեց մի տուփ ավազ և պարունակությունը դատարկեց տարայի մեջ: Բնականաբար, ավազը լրացրեց մնացած ազատ մասը և նորից հարցրեց, թե տարան լիքն է: Ուսանողները պատասխանեցին ` այո:
Դասախոսը սեղանի տակից հանեց երկու բաժակ սուրճ և դատարկեց տարայի մեջ`լցնելով ավազահատիկների միջև եղած ազատ տարածությունը: Ուսանողները ծիծաղեցին:
-Հիմա, -ասաց դասախոսը,-ես ուզում եմ` դուք հասկանաք, որ տարան ներկայացնում է ձեր կյանքը. թենիսի գնդակները ամենակարևոր բաներն են` ձեր ընտանիքը, ձեր երեխները, ձեր առողջությունը, ձեր ընկերները, ձեր սիրելի զբաղմունքը, բաներ որոնց շնորհիվ արդեն լի կլիներ ձեր կյանքը, եթե ուրիշ ոչինչ չունենայիք: Խճաքարերը մյուս բաներն են, որոնք նշանակություն ունեն ձեզ համար` Ձեր աշխատանքը, ձեր տունը, ձեր մեքենան, իսկ ավազահատիկները խորհրդանշում են մնացած մանր-մունր բաները:
-Եթե դուք սկզբից լցնեիք ավազը,- շարունակեց նա,- այլևս տեղ չէր մնա խճաքարերի և թենիսի գնդակների համար: Այդպես է նաև մեր կյանքում. Եթե դուք ձեր ամբողջ ժամանակը և էներգիան ծախսեք մանր-մունր բաների վրա, դուք երբեք ժամանակ չեք ունենա կարևոր բաների համար: Ուշադրությու'ն դարձրեք այն ամենի վրա, ինչ կարևոր է ձեր երջանկության համար. խաղացե'ք ձեր երեխաների հետ, ժամանա'կ գտեք բժշկի այցելելու, հրավիրե'ք ձեր կնոջը ինչ-որ տեղճաշելու: Այս ամենից հետո միշտ էլ ժամանակ կմնա տան գործեր անելու համար: Սկզբում հոգ տարեք թենիսի գնդակների համար. այն բաների, որոնք իսկապես կարևոր են: Սահամանե'ք ձեզ համար առաջնահերթությունները: Մնացածը պարզապես ավազ է:
Ուսանողներից մեկը բարձրացրեց ձեռքը և հետաքրքրվեց, թե ինչ նշանակություն ունի սուրճը:
Դասախոսը ժպտաց.
-Ուրախ եմ, որ հարցրիր: Դա պարզապես ապացույց, որ նշանակություն չունի, թե որքան հագեցած կարող է թվալ կյանքը, միևնույն է, միշտ էլ տեղ կգտնվի ընկերոջդ հետ մի գավաթ սուրճ խմելու համար:
