Երջանկության գաղտնիքը պարզ է՝ հավատ և համառություն:
Ջոան Ռոուլինգ
Ջոան Քեթլին Ռոուլինգ՝անգլիացի մանկագիր, Մեծ Բրիտանիայի ամենահարուստ կինը. ծնվել է 1965 թվականի հուլիսի 31-ին Չիպինգ Սոթբերիում (Անգլիա): Նրա քույրը՝ Դին, ծնվել է երկու տարի անց: Ջոանը վաղ մանկությունից սիրում էր պատմություններ պատմել: Առաջին հեքիաթը գրել է, երբ 5-6 տարեկան էր: Հեքիաթը Ճագար անունով ճագարի մասին էր, որ հիվանդ էր կարմրուկով, և նրան հյուր էին եկել ընկերները Տիկին Մեղու անունով հսկա մեղվի հետ:
Մանուկ հասակում Ջոան Ռոուլինգը երկու անգամ փոխել է բնակության վայրը. տեղափոխվել է Բրիստոլին հարակից քաղաքներ՝ սկզբում Էյտ, հետո Վինտերբուրն: Վինտերբուրնում Ջոանն ու քույրը խաղում էին քույր ու եղբայր Փոթերների հետ:
Նա ասում է, որ իրեն դուր էր գալիս այդ ազգանունը: Ինքն այն գերադասում էր իր ազգանունից, որովհետև երեխաները միշտ ծաղրում էին իրեն ազգանվան պատճառով` ասելով, թե ինքը նման էկեգլի (rowling – rolling pins):
Երբ Ջոանն ինը տարեկան էր, ընտանիքը նորից տեղափոխվում է, այս անգամ Տատշիլ, որտեղ էլ նա նախնական կրթություն է ստանում, այնուհետև ուսումը շարունակում է Վիեդինի միջնակարգ դպրոցում: Այդ ժամանակ նա կարճատես, պեպենոտ, լռակյաց և ոչ սպորտային աղջնակ էր: Նրա սիրած առարկաներն էին անգլերենն ու մյուս լեզուները: Նա ընկերների համար պատմություններ էր հորինում, որտեղ նրանք համարձակ ու հերոսական արարքներ էին գործում, որ չէին անի իրական կյանքում:
Դպրոցն ավարտելուն պես Ջոանն ընդունվում է Էքզետերի համալսարան և ծնողների պնդմամբ ուսանում ֆրանսերեն. նրանք ասում էին, որ Ջոանը կարող է երկու լեզու իմացող քարտուղարի աշխատանք գտնել:
1991 թ.-ին՝ 26 տարեկանում, Ջոանը մեկնեց Պորտուգալիա՝ անգլերեն դասավանդելու: Դա նրան դուր էր գալիս: Դասավանդում էր կեսօրից հետո և երեկոյան, իսկ առավոտյան ստեղծագործում էր: Այս ընթացքում նա սկսեց աշխատել իր երրորդ վեպի վրա (առաջին երկուսը հաջողված չէին):
Նոր գիրքը մի տղայի մասին էր, ով հայտնաբերեց, որ ինքը հրաշագործ է, ու ընկավ մոգական դպրոց:
Պորտուգալիայում Ջոանը ամուսնացավ մի պորտուգալացի լրագրողի հետ: Որոշ ժամանակ անց նա ամուսնալուծվեց ու դստեր հետ տեղափոխվեց Շոտլանդիա՝ Էդինբուրգ՝ ավելի մոտ կրտսեր քրոջը՝ Դիին:
Նա որոշել էր ավարտել Հարիի մասին վեպը և, իհարկե, փորձել այն հրատարակել, մինչ կսկսեր ֆրանսերեն դասավանդել:
Շուտով Մշակույթի շոտլանդական խորհուրդը նրան դրամաշնորհ է տրամադրում՝ գիրքն ավարտելու համար, և մի շարք մերժումներ ստանալուց հետո Ջոանն, ի վերջո, «Հարի Փոթերն ու փիլիսոփայական քարը» վաճառում է «Բլումսբերի» (Մեծ Բրիտանիա) հրատարակչությանը 4 հազար ԱՄՆ դոլարով:
Մի քանի ամիս անց «Արթուր Ա. Լևին. Ուսումնական գրականություն» հրատարակչությունը գնեց գրքի նկատմամբ ամերիկյան իրավունքը այնպիսի գումարով, որ Ջոանը կարողացավ թողնել ուսուցչությունը:
Շարունակելի…
Ջոան Ռոուլինգ
Ջոան Քեթլին Ռոուլինգ՝անգլիացի մանկագիր, Մեծ Բրիտանիայի ամենահարուստ կինը. ծնվել է 1965 թվականի հուլիսի 31-ին Չիպինգ Սոթբերիում (Անգլիա): Նրա քույրը՝ Դին, ծնվել է երկու տարի անց: Ջոանը վաղ մանկությունից սիրում էր պատմություններ պատմել: Առաջին հեքիաթը գրել է, երբ 5-6 տարեկան էր: Հեքիաթը Ճագար անունով ճագարի մասին էր, որ հիվանդ էր կարմրուկով, և նրան հյուր էին եկել ընկերները Տիկին Մեղու անունով հսկա մեղվի հետ:
Մանուկ հասակում Ջոան Ռոուլինգը երկու անգամ փոխել է բնակության վայրը. տեղափոխվել է Բրիստոլին հարակից քաղաքներ՝ սկզբում Էյտ, հետո Վինտերբուրն: Վինտերբուրնում Ջոանն ու քույրը խաղում էին քույր ու եղբայր Փոթերների հետ:
Նա ասում է, որ իրեն դուր էր գալիս այդ ազգանունը: Ինքն այն գերադասում էր իր ազգանունից, որովհետև երեխաները միշտ ծաղրում էին իրեն ազգանվան պատճառով` ասելով, թե ինքը նման էկեգլի (rowling – rolling pins):
Երբ Ջոանն ինը տարեկան էր, ընտանիքը նորից տեղափոխվում է, այս անգամ Տատշիլ, որտեղ էլ նա նախնական կրթություն է ստանում, այնուհետև ուսումը շարունակում է Վիեդինի միջնակարգ դպրոցում: Այդ ժամանակ նա կարճատես, պեպենոտ, լռակյաց և ոչ սպորտային աղջնակ էր: Նրա սիրած առարկաներն էին անգլերենն ու մյուս լեզուները: Նա ընկերների համար պատմություններ էր հորինում, որտեղ նրանք համարձակ ու հերոսական արարքներ էին գործում, որ չէին անի իրական կյանքում:
Դպրոցն ավարտելուն պես Ջոանն ընդունվում է Էքզետերի համալսարան և ծնողների պնդմամբ ուսանում ֆրանսերեն. նրանք ասում էին, որ Ջոանը կարող է երկու լեզու իմացող քարտուղարի աշխատանք գտնել:
1991 թ.-ին՝ 26 տարեկանում, Ջոանը մեկնեց Պորտուգալիա՝ անգլերեն դասավանդելու: Դա նրան դուր էր գալիս: Դասավանդում էր կեսօրից հետո և երեկոյան, իսկ առավոտյան ստեղծագործում էր: Այս ընթացքում նա սկսեց աշխատել իր երրորդ վեպի վրա (առաջին երկուսը հաջողված չէին):
Նոր գիրքը մի տղայի մասին էր, ով հայտնաբերեց, որ ինքը հրաշագործ է, ու ընկավ մոգական դպրոց:
Պորտուգալիայում Ջոանը ամուսնացավ մի պորտուգալացի լրագրողի հետ: Որոշ ժամանակ անց նա ամուսնալուծվեց ու դստեր հետ տեղափոխվեց Շոտլանդիա՝ Էդինբուրգ՝ ավելի մոտ կրտսեր քրոջը՝ Դիին:
Նա որոշել էր ավարտել Հարիի մասին վեպը և, իհարկե, փորձել այն հրատարակել, մինչ կսկսեր ֆրանսերեն դասավանդել:
Շուտով Մշակույթի շոտլանդական խորհուրդը նրան դրամաշնորհ է տրամադրում՝ գիրքն ավարտելու համար, և մի շարք մերժումներ ստանալուց հետո Ջոանն, ի վերջո, «Հարի Փոթերն ու փիլիսոփայական քարը» վաճառում է «Բլումսբերի» (Մեծ Բրիտանիա) հրատարակչությանը 4 հազար ԱՄՆ դոլարով:
Մի քանի ամիս անց «Արթուր Ա. Լևին. Ուսումնական գրականություն» հրատարակչությունը գնեց գրքի նկատմամբ ամերիկյան իրավունքը այնպիսի գումարով, որ Ջոանը կարողացավ թողնել ուսուցչությունը:
Շարունակելի…