ՀԱՋՈՂՈՒԹՅՈՒՆ

Առակ թակարդի մասին

1111328

10/7/10, 6:04 AM | Դուք և աշխարհը

Մկնիկը լսեց, թե ինչպես ֆերմերը և իր կինը զրուցում էին տանը թակարդ դնելու վերաբերյալ։ Նա արագ վազեց գոմ և գոռաց.

- Տանը թակարդ են դնում. ինչ սարսափելի է։

NUMERUS_SYSTEM

Numerus System

Հավելվածների մշակում և սպասարկում:

Հավը քթի տակ քմծիծաղ տվեց և ասաց.

- Ես հասկանում եմ ձեր անհանգստությունը, տիկին մուկ, բայց թակարդը ինձ ոչ մի կերպ չի անհանգստացնում։

Մկնիկը վազեց խոզի մոտ։ Խոզը սփոփեց նրան և հանգիստ ասաց.

SUNNY_ACADEMY
Ծրագրավորման և լեզուների դասընթացներ:

- Ես ներողություն եմ խնդրում, բայց դա իմ գործը չէ։ Ես կարող եմ միայն աղոթել ձեզ համար։

Այնուհետև մկնիկը վազեց կովի մոտ և ասաց.
- Այդ չար մարդիկ տանը թակարդ են դրել։

Կովը պատասխանեց.
- Ես, իհարկե, ցավում եմ ձեզ համար, տիկին մուկ, բայց դրանք ձեր խնդիրներն են, բայց ոչ մի դեպքում իմ, հա, հա, հա. ես այնքան մեծ եմ, որ ոչ մի թակարդ ինձ համար սարսափելի չէ։

Հիասթափված մկնիկը վերադարձավ տուն՝ փորձելով քայլել շատ զգույշ։ Հենց այդ գիշեր ուժեղ ձայն լսվեց. թակարդն էր։ Ֆերմերի կինը վազեց տեսնելու բռնված մկանը։ Մթության մեջ նա չտեսավ, որ դա մուկ չէր, այլ թունավոր օձ, որի պոչը ընկել էր թակարդը։ Օձը կծեց ֆերմերի կնոջը։ Ֆերմերը նրան տարավ հիվանդանոց։ Բժիշկներն արեցին իրենց գործը և նրանք վերադարձան տուն։ Առավոտյան նա դեռ շատ թույլ էր։
Իսկ ինչպե՞ս են ապաքինում ծանր հիվանդներին, դե. իհարկե, հավի արգանակով։ Բայց խեղճ կինը շարունակում էր հիվանդ մնալ, և ընկերներն ու հարևանները եկան, որպեսզի նրա մոտ մնան ամբողջ շաբաթներ և խնամեն նրան։ Իսկ որպեսզի կերակրի այդ բոլոր մարդկանց, ֆերմերը մորթեց խոզին։ Ցավոք սրտի, ֆերմերի կինը այդպես էլ չապաքինվեց և մահացավ։ Նրա թաղմանը շատ մարդիկ եկան, և ֆերմերը ստիպված էր մորթել նաև կովին։

Մկնիկը պատի մեծ անցքից նայում էր տխրությամբ, թե ինչպես իրար հետևից գնում էին նրանք, ովքեր ասում էին, թե թակարդն իրենց չի վերաբերում։

Այնպես որ, հաջորդ անգամ, երբ լսեք, որ ինչ-որ մեկը վատ դրության մեջ է, և դուք հաստատ համոզված եք, որ դա ձեզ չի վերաբերում, հիշեք թակարդի մասին։

Նմանատիպ Հոդվածներ

Իմաստուն առածներ կյանքի մասին

Իմաստուն առածներ կյանքի մասին
Մի վախենար վարար գետից, վախեցիր մարմանդ գետից:...

Շարունակել կարդալ

Գաղտնի պահեք ձեր նպատակները

Գաղտնի պահեք ձեր նպատակները
Խնդրում եմ` բոլորդ մտածեք ձեր ամենամեծ նպատակի մասին: Պատկերացրեք, որ մենք հիմա որոշում ենք ընդունում, որը պիտի իրագործենք: Պատկերացրեք, որ այդ մասին պատմում եք մեկին, որին այսօր հանդիպել եք: Պատկերա...

Շարունակել կարդալ

Առակ տղայի և ծառի մասին

Առակ տղայի և ծառի մասին
Վաղուց, շատ վաղուց մի մեծ խնձորի ծառ էր աճում: Փոքրիկ տղան սիրում էր խաղալ դրա շուրջն ամեն օր: Նա բարձրանում էր ծառը, ուտում խնձորները և քնում ծառի ստվերում: Նա սիրում էր ծառը, իսկ ծառ սիրում էր խաղ...

Շարունակել կարդալ